Хаартыска: СИА
Балаҕан ыйын 29-30 күннэригэр күүстээх магнитнай буурҕа түһэрэ күүтүллэр. Метеорологтар билгэлииллэринэн, бу күннэргэ геомагнитнай хамсааһыннар күүстэрэ 5-6 баалга тиийиэхтээх. Ол эбэтэр, Саха сирин үрдүнэн эмиэ дьүкээбил үҥкүүлүөҕэ.
Күҥҥэ магнитнай эстиилэр бээтинсэ киэһэтиттэн баскыһыанньа күнэ үүнүөр диэри буолуохтара. Күн-дьыл туругуттан тутулуктаах дьоҥҥо бу кэм сэрэхтээх буолуон сөп. Ордук сүрэх-тымыр ыарыылаах, хааннарын баттааһына түһэр-тахсар дьон сэрэхтээх буолуохтаахтар. Төбөлөрө ыалдьыан, сэниэлэрэ эстиэн сөп. Онон бу күннэргэ улаханнык кыыһырбакка, хомойбокко, ыарахан үлэни үлэлээбэккэ, буортулаах аһы аһаабакка, быраас суруйбут эмтэрин иһэн, бэйэни көрүнэ сылдьыахха наада.
Оттон кэрэни кэрэхсиир дьон түүн куораттан, сэлиэнньэлэртэн ыраах баран, дьүкээбили көрөн астыныахтарын, хаартыскаҕа хатыахтарын сөп. «Аврора» диэн мобильнай сыһыарыыга дьүкээбил хаһан, ханан көстүөн сөбүн көрдөрөллөр. Аан дойду үрдүнэн дьүкээбили көрүөн баҕалаах туристар бу сыһыарыынан кэтээн көрөн, элбэх харчы төлөөн, хоту бараллар, анаан «бултаһаллар», көрбүт дьон бэйэлэрин дьоллооҕунан ааҕыналлар.
Урут дьүкээбил кыһын тымныыга эрэ көстөр буоллаҕына, кэнники сылларга күн эстиитэ күүһүрэн, күһүн эмиэ көстөр буолла диэн учуонайдар быһаарбыттара. Аҕыйах хонуктааҕыта эмиэ магнитнай буурҕа түһэ сылдьыбыта, онно дьүкээбили оннооҕор Дьокуускай куорат олохтоохторо көрбүттэрэ.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…