Өрөбүллэргэ Саха сирин үгүс өттүгэр +30С куйаас буолуоҕа

Өрөбүл күннэргэ Саха сирин үгүс өттүгэр куйаас күн-дьыл туруоҕа.

Салгын температурата +32 кыраадыска диэри тиийиэҕэ. Бу туһунан ЯСИА кэрэспэдьиэнигэр Дьокуускайдааҕы УГМС начаалынньыгын солбуйааччыта – Гидрометеокиин салайааччыта Татьяна Маршалик иһитиннэрдэ.

«Бээтинсэҕэ диэри үгүс улуустарга, ол иһигэр киин улуустарга, салгын температурата килиимэт нуорматыгар чугас буолуоҕа: күнүһүн +23…+28 кыраадыс сылаас. Бээтинсэттэн арҕааттан сылаас салгын маассата кэлиэҕэ уонна өрөбүллэргэ салгын температурата +27…+32 кыраадыс куйаас буолуоҕа», – диэн Маршалик билгэтин кытта үллэһиннэ.

Эспиэр этэринэн, куйаас кэм өрөбүллэртэн саҕалаан кэлэр нэдиэлэ ортотугар диэри салҕаныаҕа.

«Чэппиэргэ уонна бээтинсэҕэ, от ыйын 10 уонна 11 күннэригэр, Дьокуускайга +25…+27 кыраадыска диэри сылаас буолуо, самыыр уонна этиҥнээх ардах түһэрэ күүтүллэр», – диэн Татьяна Маршалик чуолкайдаата.