«Өрөгөй» лотерея тэрийээччилэриттэн суут 18 мөл.солк. ирдээтэ

СӨ Үрдүкү суута өрөспүүбүлүкэҕэ киэҥник биллибит «Өрөгөй» лотереяны сокуоннайа суоҕунан билинэн, тэрийээччилэриттэн 18 мөл.солк. ирдээһини өйөөбүтүн туһунан суут пресс-сулууспата иһитиннэрэр. Эрдэ маннык быһаарыныыны Дьокуускай куораттааҕы суут ылыммыта.

«Лотерея иитинэн ыытыллыбыт кэпсэтиилэр дуоннара суоҕунан ааҕыллыбыттар. Урбаанньыттан федеральнай бүддьүөт дохуодугар сокуоннайа суохтук киллэриллибит 17 984 945 солк. ирдэннэ», — диэн суут иһитиннэриитигэр суруллубут.

Нолуок уорганнара быһаарбыттарынан, полиграфическай өҥөлөрү оҥорор урбаанньыт 2022 сыл ахсынньы 1 күнүттэн 2023 сыл тохсунньу 14 күнүгэр диэри бириис оонньотобун диэн сокуоннайа суохтук лотеряны ыыппыт. Лотерея билиэттэрэ талисман атыыластахха бэриллибиттэр. Тэрийээччилэр РФ бырабыыталыстыбатыттан тустаах көҥүлү ылбатахтар.