Суоттуга сэргэх тэрээһин буолла. Өрөгөй ырыатын биһирэмигэр нэһилиэк олохтоохторо муһуннулар.
Бу күн «Мичээр» сынньалаҥ киинигэр нэһилиэнньэ бары араҥата кыттыылаах улахан тэрээһиҥҥэ Сахабыт сирин, Суоттубутун хоһуйар ырыалар ылланнылар, хоһооннор ааҕылыннылар, үҥкүүлэр туруорулуннулар. Улахан хор толоруутугар СӨ суруйааччыларын сойууһун чилиэнэ Иннокентий Петрович Попов – Оҕуруоттаах хоһоонугар, олохтоох ааптар, мелодист Анастасия Егоровна Степанова музыкатыгар суруллубут Суотту өрөгөйүн ырыатын аан бастаан иһиттибит, биһирээтибит. Ырыа ис хоһоонугар дойдубут киэҥ нэлэмэн айылҕатын, Өлүөнэ эбэбитин, уйгу-быйаҥ сыһыыбытын, үлэһит үтүөтэ дьоммутун, кэскиллээх кэнчээри ыччаппытын уустаан-ураннаан олус табатык хоһуйбут. Мелодията — хоһоон тылын суолтатын өссө дириҥэтэн, истибит, ыллаабыт эрэ киһи дойдутугар таптала күүһүрэр гына айыллыбыт.
Хор ситиһиилээхтик толоруллан бар дьон биһирэбилин ылбыта музыка оҥорооччуттан уонна хору бэлэмнээбит исписэлиистэн эмиэ тутулуктаах. Биһиги нэһилиэкпитигэр ырыа эйгэтигэр ситиһиилээхтик үлэлиир талааннаах дьонноохпут. Өрөгөй ырыата сценаттан дьон болҕомтотугар ситиһиилээхтик тахсыбытыгар, музыка оҥорооччу Филипп Габышев уонна хору салайар идэлээх Елизавета Портнягина айымньылаах үлэлэрэ улахан оруоллаах.
Өрөгөй ырыата сурулларыгар этии киллэрбит педагогическай үлэ бэтэрээнэ, нэһилиэкпит бэтэрээннэрин сэбиэтин бэрэссэдээтэлэ Екатерина Ивановна Свинобоева буолар. Дьокутааттар сэбиэттэрин сиэссийэтигэр бигэргэнэн, олохтоох дьаһалта биһирэбилинэн ылламмыт ырыа Суотту дьонун, кэнчээри ыччатын үтүөҕэ-кэрэҕэ, кэскиллээх олоххо ыҥыра туруо диэн эрэнэбит.
Нэһилиэкпит сүрүн суолталаах айымньыта суруллан, ситэн-хотон, бар дьон болҕомтотугар тахсарыгар үлэлэспит дьоммутугар, хору толорбут ырыаһыттарбытыгар махталбытын этэбит.
Раиса Черкашина,
Суотту, Уус Алдан.
Валентина Патрасова хаартыскаҕа түһэриитэ.
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…
Бу күннэргэ тыа хаһаайыстыбатынан дьарыктанар бары көрүҥнээх хаһаайыстыбаларга сааскы ыһыы үлэтигэр бэлэмнэнэллэр диэн Нам улуһуун…
Ис дьыала министиэристибэтин Дьокуускайдааҕы 2-с нүөмэрдээх полициятын отделын дьуһуурунай чааһыгар, бу күннэргэ оскуола үлэһититтэн ноутбук…
Өймөкөөн улууһугар тутулла турар Куйдуһун муостатын тутар бэдэрээтчит «СтройМост» ХЭУо бүгүҥҥүттэн, ыам ыйын 15 күнүттэн, …