Эрэгийиэн оператора 4 мөл.солк. суумаҕа ыстарааптанна

Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан дьыалалар көрүлүннүлэр.

Көбүтүллүбүт дьыалаларынан, хампаанньаҕа 10 хонук иһинэн суут быһаарыытын  толороругар ирдэбил ыытыллыбыт. Ол кэнниттэн хампаанньа суут бириистэбин саҥаттан олохтообут болдьоҕор докумуон ирдэбилин толорботоҕун иһин административнай эппиэтинэскэ тардыллыбыт.

Дьыала көрүүтүн түмүгүнэн, суут хас биирдии боротокуол иһин 500 тыһ.солк. кээмэйдээх административнай ыстараабы анаабыт. Уопсайа хампаанньа 4 мөл. солк. төлүүр эбээһинэстэммит.

Уураахтар сокуоннай күүстэригэр киирэ иликтэр, диэн Саха сиринээҕи суут бириистэптэрин сулууспатын пресс-сулууспата иһитиннэрэр.