Хаартыска: ааптар түһэриитэ.
Бүгүн СӨ Тырааныспар уонна суол хаһаайыстыбатын министиэристибэтигэр сылы түмүктүүр кэллиэгийэ буолан ааста.
2024 сыл түмүгүнэн Саха Өрөспүүбүлүкэтэ Уһук Илин федеральнай уокурукка эрэгийиэннээҕи массыына суолларын үлэҕэ киллэриигэ иккис миэстэҕэ таҕыста. Саха сирин курдук сөҕүмэр сирдээх-уоттаах өрөспүүбүлүкэҕэ бу улахан сыралаах үлэ түмүгэ буолар.
“Өрөспүүбүлүкэ тырааныспарга комплекса бу сылга туруорбут былааннарын толордо, — диэн эттэ миниистир Владимир Сивцев. – 400 км тахса суол өрөмүөннэннэ, 5 бөдөҥ муоста үлэҕэ киирдэ, Өлүөнэ муостатын тутуута саҕаланна, салгынынан, уунан дьону таһыыга субсидия салгыы көрүллэр. Кэлэр сылга оптуобуһунан дьону таһыыны элбэтиэхпит. Жатай оптуобуһун эрэгийиэннээҕи таһымҥа көһөрдүбүт, ол гынан баран ол көһөрүү тарыыпка да, араспысаанньаҕа да, төһө бириэмэнэн сылдьарыгар да сабыдыаллыа суоҕа.
2025 сылга нэһилиэнньэлээх пууннар уулуссаларын, нэһилиэктэр икки ардыларыгар баар суоллары өрөмүөннүүргэ хаһан да урут көрүллүбэтэх элбэх үп-харчы – 2 млрд солк. тахса харчы көрүллэрэ былааннанна. “Олоххо-дьаһахха аналлаах инфраструктура” саҥа национальнай бырайыакка 5 млрд солк. ыытылынна. Бу манан 4 бөдөҥ агломерация – Алдан, Нерюнгри, Мииринэй, Ленскэй куораттар суоллара өрөмүөннэниэхтэрэ”.
Бүгүн, ахсынньы 23 күнүгэр, Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр Саха Өрөспүүбүлүкэтигэр …
Сахабыт сирин араас улуустарыттан төрүттээх үлэһит дьон, кинилэр байыаннай дьайыыга ураты хорсун уонна дьоруойдуу быһыыны…
СӨ Ил Дархана Айсен Николаев СӨ Судаарыстыбаннай Мунньаҕар (Ил Түмэҥҥэ) туһаайан этиитигэр 2026 сылга балтараа…
Сааҥсыйалар күүһүрбүт кэмнэригэр даҕаны өрөспүүбүлүкэ экэниэмикэтэ туруктаах диэн Ил Дархан Айсен Николаев Ил Түмэҥҥэ туһаайыытыгар…
Ил Дархан Айсен Николаев бүгүн Ил Түмэҥҥэ этиитигэр аҕа көлүөнэ бойобуой үгэстэрин байыаннай дьайыыга сылдьар…
Саха сиригэр 2026 сыл тохсунньу 1 күнүттэн күүһүгэр киириэхтээх олохтоох бэйэни салайыныы туһунан сокуон ылылынна.…