Хаартыска: www.sakha.gov.ru
Ил Дархан Айсен Николаев РФ тырааныспарын миниистирин солбуйааччы Виктор Тимофеевы уонна Суол федеральнай ааҕыныстыбатын салайааччыта Роман Новиковы кытта оробуочай мунньаҕы ыытта.
Көрсүһүүгэ кэпсэтии өрөспүүбүлүкэ тырааныспарын ситимин сайдыытын тула барда. Чуолаан, Дьокуускай аттынан Өлүөнэ өрүһү туоруур муоста тутуутун кытта сибээстээх кэккэ боппуруостары көрдүлэр. Мунньах кыттыылаахтара Өлүөнэ муостатын тутуу боппуруоһунан РФ бэрэсидьиэнэ Владимир Путин быйылгы сыл бэс ыйын 18 күнүнээҕи сорудаҕын туолуутун быһаарыстылар. 2028 сылга диэри үлэҕэ киириэхтээх эбийиэк, дойду Хотугулуу-Илиҥҥи өттүгэр аныгы тыраныыспар инфраструктуратын сайдыытын сүрүн өрүтүнэн буолуоҕа.
“Кыраапыкка олоҕуран, быйыл кэккэ үлэлэр ыытыллыахтаахтар, олор истэригэр Табаҕа боротуохатын нөҥүө оробуочай муоста, буронабивной сыбаайа уонна да атын тутуллуохтаах. Бу эһиил үлэни киэҥ таһымнаахтык саҕалыырга көмөлөһүөҕэ” – диэн Айсен Николаев бэлиэтиир.
Итини сэргэ, көрсүһүү кэмигэр “Бүлүү”, уонна “Халыма” федеральнай суоллары уонна 2025-2027 сс. өрөспүүбүлүкэҕэ күргэлэри тутуу былаанын кэпсэттилэр. Эрэгийиэн экэниэмикэтэ үүнүүтүн уонна Саха сирин олохтоохторун таһыма үрдээһинигэр көмөлөһүөхтээх тырааныспар инфраструктруратын Саха сирэ сыыйа сайыннарар диэн тэрээһиҥҥэ бэлиэтээтилэр.
Ил Дархан уонна Бырабыыталыстыба пресс-суулуспата.
Павловскай сэлиэнньэтин бибилэтиэкэтигэр Мэҥэ Хаҥалас улууһун “Аҕа дойдуну көмүскээччилэр” пуонда филиалын социальнай координатора Рената Спиридонова…
Сиинэ очуостарыгар туристар саҥа маршруттара аһыллыаҕа – экология ыллыгын оҥоруу бырайыагын олоххо киллэрии туһунан урбаан,…
Ахсынньы 23 күнүгэр СӨ Ил Дархана Айсен Николаев Ил Түмэҥҥэ туһаайан этиитин иһиттибит. Бүлүү улууһун…
Ахсынньы 21–22 күннэригэр Омскайга Арассыыйа бастыҥ күрэсчиттэрин уонна тас дойдулартан кэлбит күүстээхтэри түмпүт панкратиоҥҥа «Көмүс…
Эһиил тохсунньу 1 күнүттэн Арассыыйаҕа мунньуллар биэнсийэ төлөнөр кэмин сабаҕаланар болдьоҕо 270 ый буолуоҕа. Маннык…
Булуҥ улууһун Тиксии бөһүөлэгэр ахсынньы 24 күнүгэр буурҕа түспүтүнэн сибээстээн оскуолаларга, оҕо уһуйааннарыгар үөрэх тохтотулунна.…