Хаартыска: Сайаана Львова
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат «Патриот» киинигэр өрөспүүбүлүкэ ыччатын түмүктүүр тэрээһинэ буолан ааста.
СӨ Ыччат миниистирин бастакы солбуйааччы Аида Константинова ыытыллыбыт үлэ түмүктэрин туһунан дакылааты оҥордо. Онно бэлиэтээбитинэн, 2025 сыл тохсунньу 1 күнүнээҕи дааннайынан өрөспүүбүлүкэҕэ ыччат ахсаана 315 413, ол нэһилиэнньэ уопсай ахсаанын 31% ылар. Саамай киэҥ тэрээһиннэртэн биирдэстэринэн бэһис сылын ыытыллар «Муус Устар» ыччат бэстибээлэ буолар, онно 30 тыһыынчаттан тахса киһи кыттыбыт.
Сыл улахан ситиһиитинэн 128 мөл. солк. субсидия ылыллыыта буолбут, ол ахсынньы 15 күнүгэр аһыллыахтаах «Патриот» ыччат киинин хапытаалынай өрөмүөнүгэр уонна матырыйаалынай-тэхиниичэскэй баазатын хааччыйыыга анаммыт. Ону таһынан, Кыайыы 80 сылыгар уонна патриотическай хамсааһын чэрчитинэн улахан үлэ ыытылынна.
Бүтүн Арассыыйатааҕы «Биһиги бииргэбит!» аахсыйа өрөспүүбүлүкэ 36 улууһун хапта, онно гуманитарнай көмө пууннара аһыллан үлэлииллэр. Волонтерскай үлэҕэ 82 тыһыынчаттан тахса киһи кыттар. Устудьуоннар этэрээттэрэ «Хаар десант» аахсыйанан 12 улууска тиийэннэр, үлэ бэтэрээннэрин уонна байыаннай дьайыы кыттыылаахтарын тиэргэннэрин ыраастаан көмөлөстүлэр. Гражданскай уопсастыба сайдыыта министиэристибэ сүрүн үлэтин хайысхаларыттан биирдэстэринэн буолар. Өрөспүүбүлүкэҕэ 2631 кэммиэрчэскэйэ суох тэрилтэ баар, олор үлэлэрэ кэҥиир.
2020 сылтан Саха сирин Ил Дархана гражданскай уопсастыбаны сайыннарыыга граннары олохтообута, ол 2020 сылтан 2025 сылга диэри уопсай суумата 569 мөл. солк. тэҥнэһэр. Бу граннар дьон кыһалҕатын быһаарар улахан бырайыактары өйүүллэр. Ону таһынан, дьиэ кэргэҥҥэ уонна ыччакка социальнай-психологическай өйөбүл киинин үлэтэ күүһүрэр, 2025 сыл иһигэр 60 тыһыынчаттан тахса өҥөнү оҥордо, 50 тыһыынча кэриҥэ киһини хапта. Быйылгы сыл улахан патриотическай уонна ыччат аахсыйалара хаһааҥҥытааҕар да элбэх кыттааччыны хаптылар. Инникитин министиэристибэ улуустарга ыччаты кытта үлэни күүһүрдэрин уонна патриотическай иитиини сайыннарыыны салгыы былаанныыр.
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…
Үөһээ Бүлүү улууһун уонна Татарстан Буинскай оройуонун икки ардыларыгар атыы-эргиэн, экэниэмикэ, билим, тиэхиньикэ, култуура уонна…