Арассыыйа бэрэсидьиэнэ Владимир Путин муус устар 28 күнүгэр бырабыыталыстыбаны кытары экэниэмикэ боппуруостарыгар мунньах ыытта.
Владимир Путин мунньах кэмигэр дойду валовай бородууктата олунньутааҕы көрдөрүүтэ былырыыҥҥытааҕар алта бырыһыанынан, бырамыысыланнас – 8,5, оҥорон таһаарыы – 13,5 бырыһыанынан үрдээбиттэрин бэлиэтээн эттэ. Бу түмүгэр сыл бүтүүтэ валовай бородуукта үс бырыһыанынан эбиллиэн сөбүн туһунан иһитиннэрдэ.
Кини этэринэн, олохтоох оҥорон таһаарыы көрдөрүүтэ сылтан сыл эбиллэн иһиэхтээх.
— Оҥорон таһаарыы саҥа көрүҥнэрин олоххо киллэрэн иһэрбит наада. Ол иһигэр үрдүкү технологияны баһылыырбыт, саҥа үлэ миэстэтин арыйарбыт, ис ырыынагы сайыннарарбыт улахан суолталаах. Манна бастакы уочарат бэйэбит табаардарбытын, өҥөлөрбүтүн сайыннарарбыт суолтата улахан. Бу туһунан эрдэ Анал этиибэр этэн турабын, — диир кини.
Исписэлиистэри бэлэмнээһиҥҥэ сыһыаран бэрэсидьиэн үөрэх систиэмэтиттэн саҕалаан үлэ миэстэтин таһаарыыга тиийэ улахан хамсааһын буолуоҕун иһитиннэрдэ.
— Бырамыысыланнаска, социальнай эйгэҕэ исписэлиистэри бэлэмнээһиҥҥэ үөрэхтэн саҕалаан бизнескэ, үлэ миэстэтин биэрээччилэргэ тиийэ улахан былаан оҥоһуллан турар, — диэн бэлиэтиир Владимир Владимирович.
Итини таһынан эрэгийиэннэр инфраструктураларын, ол иһигэр энергетиканы, коммунальнай хаһаайыстыба ситимнэрин, суолу-ииһи, сайыннарыыга бырагыраама оҥоһуллубутун эттэ. “Эрэгийиэннэр бүддьүөттэригэр кирэдьииттэрэ үс гыммыттан иккитэ сотуллуоҕа, ону таһынан инфраструктураҕа ыытар кирэдьииттэрин суумата улаатыаҕа, 250 миллиард солкуобайтан кырата суох буолуоҕа. Бу суума, эбии үбүлээһин куораттар, нэһилиэктэр сайдыыларыгар төһүү буолуохтаах”, — диэн бэлиэтээтэ.
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…
Бу күннэргэ тыа хаһаайыстыбатынан дьарыктанар бары көрүҥнээх хаһаайыстыбаларга сааскы ыһыы үлэтигэр бэлэмнэнэллэр диэн Нам улуһуун…
Ис дьыала министиэристибэтин Дьокуускайдааҕы 2-с нүөмэрдээх полициятын отделын дьуһуурунай чааһыгар, бу күннэргэ оскуола үлэһититтэн ноутбук…