Эрэгийиэннэргэ Бүтүн Арассыыйатааҕы “Я – россиянин” аахсыйа саҕаланна

Бүтүн Арассыыйатааҕы “Я – россиянин” оҕо култуурунай-сырдатар аахсыйата РФ Бэрэсидьиэнэ Владимир Путин Норуот сомоҕолоһуутун күнүн 20 сылын бигэргэтиитинэн ыытыллар.

Аахсыйа алтынньы 15 күнүттэн дойду бары эрэгийиэннэрин оскуолаларын 4-с уонна 5-с кылааһын үөрэнээччилэригэр, ону тэҥэ, судаарыстыбаннай национальнай бэлиитикэ олоххо киириитигэр кыттар эрэгийиэн тэрилтэлэригэр сыыппара интерактивнай уруогун көрүҥүнэн ыытыллар.

Аахсыйаҕа кыттар туһугар педагогтар www.яроссиянин.рус саайтка бэлиэтэнэллэрэ, ол кэнниттэн сыыппара уруогун матырыйаалларын хачайдыыр ирдэнэр. Аахсыйа сэтинньи 15 күнүгэр диэри барар уонна “Я — россиянин” аахсыйа таһымнаах социологическай чинчийиини ыытыынан түмүктэниэҕэ.

Аахсыйа түмүгэ Арассыыйа Төрүт Сокуонун күнүгэр ахсынньы 12 күнүгэр тахсыаҕа. “Я – россиянин” аахсыйа сүрүн сыалынан үүнэр көлүөнэҕэ Норуот сомоҕолоһуутун күнүн, дьиэ кэргэн үгэстэрин уонна сыаннастарын туһунан оҕолорго билиини тириэрдии буолар.