Саха сиригэр түспүт томороон тымныыларынан даҕаны эттэххэ, үлэлэрин аналынан ыраах айаҥҥа, сиргэ-уокка сылдьар дьоҥҥо туһалаах тэрил баар буолбут. Ол – Саха сирин тыа сиригэр аналлаах рация. “Эрэл-4” диэн ааттаах рация Саха сирин айылҕа уустук усулуобуйатыгар тургутугу, бэрэбиэркэни ааспыт.
300 км тахса тэйиччиттэн кэпсэтиэххэ сөп. Спутник төлөпүөнүн курдук тарыыбынан төлөөбөккүн. Араас сааҥсыйалар дьайыыларын түмүгэр арахсыа диэн куттаммаккын. Суотабай төлөпүөҥҥэ СМС ыытыахха сөп диэн суруктаах.
Бу рацияны “Азия” эргиэн киинигэр баар “Технология выживания” маҕаһыыҥҥа атыылыыллар эбит. Ааттыын да этэрин курдук, тыыннаах хааларга көмөлөһөр айан таһаарыылар (технологиялар) атыыланар маҕаһыыннара.
Өрөспүүбүлүкэ Тыатын хаһаайыстыбатын министиэристибэтэ табаһыттарга, булчуттарга анаан атыылаһыннаран эрэр диэн этэр атыыһыт. Онон хоту улуустартан балачча кэлэн ылбыттар. Ол эрээри, икки тэриллээх (рациялаах) буоллаххына эрэ кэпсэтэр буоллаҕыҥ. Онон хоту дойду, тыа сирин олохтоохторугар ботуччу сыаналаах тэрил. Сыаната – 68000 солкуобай.
Дьон сүрдээҕин ыйыталаһар, бэл, икки улуус икки ардыгар табаһыттар кэпсэтэр буолбуттар дииллэр. Бу тэрил, эппитим курдук, табаһыттарга, булчуттарга, балыксыттарга, геологтарга, экология иниспиэктэрдэригэр эҥин олус наадалаах буолсу. Сиргэ-уокка сылдьар киһи туохха түбэспэт буолуоҕай? Араас ыксаллаах түгэннэргэ быыһанарга, көмө көрдүүргэ эбэтэр этэҥҥэ сылдьаргын биллэрэн, чугас дьоҥҥун уоскутаргар бэртээхэй тэрил быһыылаах. Онон министиэристибэлэр, хаһаайыстыбалар салайааччылара билэн-көрөн, үөрэтэн, үлэһиттэрин хааччыйары толкуйдуохтарын сөп эбит.
Хаартыскаҕа: рация.
Покровскайга Оҕо-ыччат успуордун оскуолата 1975 сыллаахха төрүттэммитэ. Оттон уус-уран гимнастика салаата манна 2021 сыллаахха арыллыбыта.…
Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ…
Дьоллоох Дьокуускай куораттан ахсынньы аан туманын хайа тыыран, ахсым-дохсун тимир көлөлөр мөҥүрүөннэр түөлбэлээн олорор Матта…
Дьокуускайга муниципальнай тэриллиилэр бэрэстэбиитэллээх уорганнарын дьокутааттарын үһүс сийиэһэ буола турар. “Муниципалитеты 2.0: ИИ как драйвер…
СӨ Идэлээх сойуустарын үлэ быраабыгар иниспиэксийэтин салайааччы, СӨ үтүөлээх юриһа Наталья Ивановна Барковская ыйытыыга эппиэттиир. …
Бүгүн, ахсынньы 17 күнүгэр, Айсен Николаев ыксаллаах быһыыны сэрэтэр, туоратар уонна баһаартан куттал суох буолуутун…