Ил Дархан Айсен Сергеевич Николаев ахсынньы 19 күнүгэр парламеҥҥа Анал этиитигэр байыаннай сулууспалаахтар дьиэ кэргэттэрин өйөөһүн, көмө туһунан бэлиэтээн эттэ. Саха сирин олохтоохторо саллааттарбыт манна хаалларбыт дьиэ кэргэттэрин туһугар долгуйбаттарын, Ийэ дойдуларыгар суоһуур кутталы туоратааһыҥҥа, эрэллээхтик киирсэллэрин хааччыйарга туох кыаллары барытын оҥоро сылдьаллар уонна оҥорорго бэлэмнэр.
Бу туһунан Ленскэй улууһун «Толоон нэһилиэгэ» МТ баһылыга Александр Попов бэйэтин санааларыттан хаһыат уонна саайт ааҕааччыларыгар үллэһиннэ.
— Арассыыйа үгүс олохтоохторун курдук, Украинаҕа демилитаризацияны уонна денацификацияны ыытыыга бара турар анал байыаннай эпэрээссийэни, бу туһунан дойду Бэрэсидьиэнэ ылыммыт быһаарыытын, Арассыыйа байыаннай күүстэрин өйүүбүн. Кытаанах быһаарыныы нацизм тэнийбэтин туһугар ыытылларын, бу дьайыылар ону бохсууга туһуланалларын өйдүүбүт. Сорох дьон Арассыыйа байыаннай дьайыыларынан өттөйөр дииллэрэ олуонатык иһиллэр. Биһиги дойдубут хаһан даҕаны сэбилэниилээх киирсиилэри, иирсээннэри бэйэтинэн саҕалаабатаҕын санатар тоҕоостоох. Күн бүгүн биһиги дойдубут Донбасска, ДНӨ уонна ЛНӨ олорор дьону аҕыс сыл устатыгар буулдьа, буомба ортотугар олоруу кутталыттан көмүскээһиҥҥэ турунна.
Ил Дархан Айсен Сергеевич Николаев ахсынньы 19 күнүгэр парламеҥҥа Анал этиитигэр байыаннай сулууспалаахтар дьиэ кэргэттэрин өйөөһүн, көмө туһунан бэлиэтээн этиитин өйүүбүн. Саллааттарбыт манна хаалларбыт дьиэ кэргэттэрин туһугар долгуйбакка, Ийэ дойдуларыгар суоһуур кутталы туоратааһыҥҥа, эрэллээхтик киирсэллэрин хааччыйарга биһиги туох кыаллары барытын оҥоробут уонна оҥорорго бэлэммит.
Ол да иһин биһиги дьаһалтабыт уонна олохтоох оскуола анал байыаннай дьайыыларга кытта баҕа өттүнэн барбыт буойун дьиэ кэргэнин шефствоҕа ылан, көмөлөһө сылдьаллар. Түгэнинэн туһанан, анал байыаннай эпэрээссийэҕэ сылдьар ыччаттарбытыгар улахан көмөнү оҥорбут Толоон олохтоохторугар, чуолаан, биир дойдулаахпыт Корнилова Маргарита Ивановнаҕа барҕа махталбытын тиэрдэбит.
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…