Хаартыска Дьокуускай куорат дьаһалтатын пресс-сулууспата
Дьокуускай куорат баһылыга Евгений Григорьев Автодорожнай уокурукка өрөмүөннэммит тиэргэннэри көрдө.
Бу тиэргэннэр 2022 с. өрөмүөннэммиттэрэ, тупсарыллыбыттара. Хамыыһыйа Крупская уул. 21, 23, Чкалов уул. 1, Автодорожнай 40/5, 40/6, Птицефабрика 6, 7 №-гэр сырытта. Манна куорат баһылыгын солбуйааччы Антон Алексеенко, Автодорожнай уокурук Управатын салайар Петр Попов, «Главстрой» МКУ бэрэстэбиитэллэрэ, элбэх кыбартыыралаах дьиэлэр олохтоохторо, уо.д.а. кыттыыны ыллылар.
Мэр олохтоохтор этиилэрин, баҕа санааларын истэн баран, бу тиэргэннэргэ ыйыллыбыт итэҕэстэри кылгас кэм иһигэр туораталларыгар соруйда. Бу үлэҕэ бэдэрээччит ылсар.
Евгений Григорьев быһаарбытынан, дьиэ таһын көҕөрдүү боппуруоһун управляющай хампаанньа элбэх кыбартыыралаах дьиэ олохтоохторун кытта бииргэ сүбэлэһэн быһаарыахтаахтар.
Автодорожнай уул. 40/5 олохтоохторо «Якутскэкосети» хампаанньа сааскы-күһүҥҥү кэмнэргэ бөҕү-саҕы тиэйиитин элбэтэригэр көрдөстүлэр. Тиэргэҥҥэ олохтоохтору кытары көрсүһүү кэмигэр, дьиэни-уоту хомуйуу, дьиэ таһынааҕы сири-уоту өрө тардыы боппуруоһун көтөхтүлэр. Маныаха, мэр управляющай хампаанньа эбээһинэһин толорбот буоллаҕына, олохтоохтор уларытар туһунан толкуйдуохтарын сөп диэн эттэ.
Олохтоохтор тиэргэннэрэ тупсубутугар махтаннылар.
«Оҕо былаһаакката тупсаран оҥоруу кэнниттэн уларыйан-тэлэрийэн турар. Мин санаабар, билигин Дьокуускайга биир бастыҥнара. Оҕолор манна үөрүүнэн оонньууллар. Тулата кырасыабай, ыраас«, — диэн Крупская уул. 21 олорор Елена Корнилова санаатын үллэһиннэ.
Бэлиэтээн эттэххэ, 2022 с. элбэх кыбартыыралаах олорор дьиэлэргэ, 75 аадырыска тиэргэннэри тупсарыы үлэтэ ыытыллыбыт. Аһаҕас куонкурус уонна аукционнар түмүктэринэн тупсаран оҥроруу үлэтигэр «Сахакапитал», «Кинг-95», «Основа»ХЭУо, ону сэргэ, «Ростройпроект», «Газстройпроект» ХЭУо, «Атласов В.Г.» ИП, «Старт» бырайыактыыр бюро кыттыбыттар.
Бары тиэргэннэргэ, уопсайа, 104 тыһ. кв. м. аспаалламмыт, оҕо оонньуур 40 былаһаакката, 16 успуорт былаһаакката оҥоһуллубут, уулуссаларга уот-күөс баар буолбут, бары тиэргэннэргэ бөҕү-саҕы тоҕорго анал контейнердар туруоруллубуттар.
Быйыл 38 тиэргэҥҥэ тупсарыы үлэтэ ыытыллара былааннанар. 2032 сылга диэри куорат сиригэр-уотугар 300-тэн итэҕэһэ суох тиэргэни тупсарар сорук турар.
Дьокуускай куорат дьаһалтатын пресс-сулууспата
Үөһээ Бүлүү улууһун олохтоохторо анал байыаннай дьайыыга сылдьар байыастарга көхтөөхтүк көмөлөһөллөр. Нэдиэлэ аайы улуус булчуттара,…
2024 сыл бэс ыйыгар Сунтаар улууһун Арыылаах сэлиэнньэтин 19 саастаах олохтооҕо ирдэнэр эксээмэннэри туттарбакка эрэ,…
Ааспыт үйэ 90-с сылларыгар Мэҥэ Хаҥалас Бэдьимэтигэр киһи сайдыытыгар ананар чинчийэр үлэ биир түһүмэҕэр “Айылҕа…
Бүгүн Дьокуускай куорат Н.О. Кривошапкин аатынан 5-с №-дээх оскуола дириэктэрэ Алексей Семенов, үлэһиттэрэ Лариса Артемьева…
Нам улууһугар былырыын эмискэ халааннаан, үгүс нэһилиэккэ улахан хоромньуну аҕалбыта. Онон намнар быйыл эрдэттэн сэрэтэр…
Кулун тутар 12 күнүгэр Дьокуускайга суут бириистэбэ-толорооччу уонна алимены ирдииргэ дознаватель рейдэҕэ сылдьыбыттар. Кинилэр Красильников…