Хаартыска: sakha.gov.ru саайтан.
Киин куоракка ДСК түөлбэҕэ 153 кыбартаалга 990 миэстэлээх оскуоланы 2024 сыл бүтүүтэ киллэрэр былааннаахтар, ол кэннэ 2025 сыл балаҕан ыйын 1 күнүн көрсө кылаастары арыйыахтара. Маныаха диэри саамай улахан оскуола “Прометей” түөлбэҕэ баарынан ааҕыллара, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Эбийиэк “Үөрэхтээһин” нацбырайыак чэрчитинэн тутуллар, итиэннэ Дьокуускай куорат маастар-былааныгар киирсэр. Билигин 153 кыбартаалга оскуола тутуута тигинэччи бара турар. Генеральнай бэдэрээтчит эппитинэн, эбийиэк болдьоҕор үлэҕэ киириэҕэ.
Оскуола дьиэтэ үс этээстээх. 540 миэстэлээх остолобуойдаах, медблоктаах, икки спортивнай саалалаах, аактабай саалалаах, коворкинг-кииннээх. Оскуола “ДСК”, “Ильинка”, “Сулустаах”, “Көтөр фабриката” түөлбэлэр аттыларыгар уонна чааһынай дьиэлээх ыаллар олорор сирдэригэр баар.
Саҥа оскуола 990 үөрэнээччигэ анаммыт тутуу — 33 кылаастаах (11 кылааска диэри үс параллель барар), кылаастарга отуттуу оҕо үөрэниэ.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…