Өрөспүүбүлүкэ 13 арктическай оройуонугар — эргиэн логистическай кииннэрэ

Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай Мунньахха (Ил Түмэн) Ыҥырыытыгар туруорбута.

«Ситиһии тутаах салаалар биэдэмистибэлэр үлэлэрин кытта ыкса сыһыаннаах.  Биир кэлим ситими көдьүүһү ситиһэргэ уонна Арктикаҕа дьону олохсутар туһугар биэдэмистибэлэр икки ардыларыгар сүрүннүүр үлэ барыан наада. Арктика сайдыытын министиэристибэтигэр саҥа технологиялары, сонун хайысхалары олоххо киллэриигэ көхтөөх буоларга уонна бары судаарыстыбаннай уорганнары, урбаанньыттары, нэһилиэнньэни бииргэ түмэргэ ыҥырабын», — диэн Ил Дархан Айсен Николаев былырыыҥҥы Анал этиитигэр бэлиэтээбитэ.

Быйыл Арктическай эргиэн логистическай киинэ 522 туонна олохтоох пиэрмэрдэр оҥорон таһаарбыт бородууксуйаларын арктическай оройуоннарга тиксэрдэ.  Атыы-эргиэн кииннэрэ хортуоппуйу уонна атын бородууксуйаны хаачыстыбалаахтык харайар аныгы анал тэриллэринэн толору хааччыллыбыттар.

Быйыл Дьокуускайга «АрктикВкус» диэн  кэнсиэрбэ оҥорор сыах аһыллан үлэлээтэ. Эт кэнсиэрбэтин оҥорон таһаарар эбийиэк сылга 250 тыһыынча бааҥканы оҥорор кыамталаах.

Сиһили: https://www.sakha.gov.ru/news/17427