Өрөспүүбүлүкэ 13 улууһугар саҥа массыына бэрилиннэ

Саха сиринээҕи  доруобуйа харыстабылын тэрилтэлэрэ 17 анал массыынаны, ол иһигэр 11 санитарнай  УАЗ уонна  6 Лада Ниваны, ыллылар.

“2021-2025 сылларга СӨ доруобуйатын харыстабылын бастакы сүһүөх звенотун модернизациялааһын” эрэгийиэннээҕи бырагыраама чэрчитинэн ылыллыбыт массыыналары Ил Дархан Айсен Николаев туттарда.

Өрөспүүбүлүкэ 13 улууһугар бэриллибит массыыналар мэдиссиинэ көмөтө табыгастаах уонна суһал буоларын хааччыйыахтара. Ону сэргэ,  доруобуйа харыстабылын тэрилтэлэрин материальнай-тиэхиньиичэскэй базаларын бөҕөргөтүүгэ дьоһун суолталаах хардыынан буолуохтара.