Өрөспүүбүлүкэ түөрт улууһугар баһылыкка хандьыдааттар бары регистрацияланнылар

Балаҕан ыйын 14 күнүгэр, биир кэлим куоластааһын күнүгэр, өрөспүүбүлүкэ түөрт улууһугар баһылыктары талыахтара – уопсайа 20 хандьыдаат регистрацияланна. Бу туһунан СӨ Киин быыбардыыр хамыыһыйата иһитиннэрэр.

Өлөөн эбэҥки национальнай улууһугар 4 хандьыдаат, ол иһиттэн 1 – «Биир ньыгыл Арассыыйа» баартыйаттан, 3 – бэйэлэрэ туруммут дьон.

Сунтаар улууһун баһылыгын дуоһунаһыгар – 3 хандьыдаат, ол иһигэр 1 – «Биир ньыгыл Арассыыйа» баартыйаттан, 1 – «Саҥа дьон» баартыйаттан, 1 – бэйэтэ туруммут киһи.

Уус Алдан улууһугар 7 хандьыдаат, ол иһигэр 1 – «Биир ньыгыл Арассыыйа» баартыйаттан, 1 – «Саҥа дьон» баартыйаттан, 6 – бэйэлэрэ туруммут дьон.

Хаҥалас улууһун баһылыгын дуоһунаһыгар 6 хандьыдаат, ол иһигэр – 1 – «Биир ньыгыл Арассыыйа» баартыйаттан, 1 – «Сиэрдээх Арассыыйа – Арассыыйа патриоттара» баартыйаттан, 1 хандьыдаат – «Родина» баартыйаттан, 1 – «Арассыыйа хомуньуустара», 1 – ЛДПР, 1 – бэйэтэ туруммут киһи.