Хаартыска: Ил Дархан пресс-сулууспата
Ол туһунан ““Азия оҕолоро” успуорт аан дойдутааҕы VIII сайыҥҥы оонньууларын дириэксийэтэ” АНО эстафетатын салайааччы Максим Прокопьев брифиҥҥэ иһитиннэрдэ.
— “Азия оҕолоро” успуорт аан дойдутааҕы VIII сайыҥҥы оонньууларын уотун эстафетата өрөспүүбүлүкэ бары оройуоннарыгар ыытыллыаҕа. Эстафета уопсай уһуна 35 тыһыынча килэмиэтиргэ тиийиэҕэ. Биһиги сиринэн уонна салгын суолунан улуустарга барытыгар сылдьыахпыт. Ити өрөспүүбүлүкэ хас биирдии олохтооҕо “Азия оҕолоро” оонньууларга кыттыгастаах буоларыгар хайысхаланар. Факелы илдьээччилэр ахсааннара — 550 киһи. Ону таһынан миэстэтигэр волонтердар кыттыахтара. Барыта тыһыынча волонтеру үлэлэтэр былааннаахпыт. 36 улуус бэйэтин маршрутун бэлэмнээтэ”, — диэтэ Максим Прокопьев.
Оонньуулар уоттарын уматыы сиэрэ-туома кулун тутар 19 күнүгэр Өлүөнэ очуостарын сыырыгар ыытыллыаҕа. Эстафета Хаҥалас улууһуттан – “Азия оҕолоро” успуорт оонньуутун төрүттээбит өрөспүүбүлүкэ бастакы бэрэсидьиэнэ Михаил Николаев дойдутуттан с саҕаланыаҕа. Онтон бэс ыйын 26 күнүгэр Дьокуускайга “Туймаада” стадиоҥҥа Оонньуулар аһыллыыларыгар түмүктэниэҕэ.
Санатан эттэххэ, Владимир Путин урут “Азия оҕолоро” оонньуулары “Арассыыйа уонна араас дойдулар эрэгийиэннэриттэн талааннаах оҕолору бэйэтин былаһааккаларыгар түмэр оҕо-ыччат успуордун кэрэхсэбиллээх уонна ситиһиилээх бырайыагынан” ааттаабыта.
“Азия оҕолоро” успуорт аан дойдутааҕы VIII оонньуулара бэс ыйын 25 күнүттэн от ыйын 7 күнүгэр диэри Дьокуускай куоракка ыытыллыахтара.
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…