Хаартыскаҕа Андрей Сорокин түһэриитэ. СИА
Олунньу 14 күнүгэр Ил Дархан Айсен Николаев өрөспүүбүлүкэ аэропуортарын саҥалыы тупсаран оҥоруу боппуруостарыгар анаммыт мунньаҕы ыытта.
“Аэропуортары уларытан оҥоруу өрөспүүбүлүкэ олохтоохторун барыларын таарыйар суолталаах боппуруоһунан буолар. Бу хайысхаҕа элбэх үлэ ыытылынна, билигин түмүктүүр түһүмэххэ кэлэн турабыт. Бары үлэлэри былааннаммыт болдьоххо түмүктүүр булгуччулаах”, — диэн Айсен Николаев сорудахтаата.
Дьокуускай аэропуордун 1800 м усталаах көтөр балаһатын оҥоруу туһунан Ил Дархан тоһоҕолоон эттэ. Көтөр ааллар түһэллэригэр эбийиэк от ыйын 15 күнүгэр диэри бэлэм буолуохтаах.
Мунньахха Росавиация, «Ространсмодернизация» ФКУ уонна тутуу тэрилтэлэрин бэрэстэбиитэллэрэ кыттыыны ыллылар. 2024 сылга диэри ылыллыбыт былаан чэрчитинэн аҕыс аэропорка үлэ ыытылла турар. Бу испииһэккэ Дьокуускай, Өлүөхүмэ, Мииринэй, Черскэй, Бүлүү, Нерюнгри, Удачнай, Уус Ньара аэропуортара киирэллэр.
Хаандыгаҕа уонна Сангаарга аэропуортар дьиэлэрэ 2022 сыллаахха үлэҕэ киирбиттэрэ, Белай Гора уонна Депутатскай аэропуортарыгар ГСМ ыскылааттара уонна атын эбийиэктэрэ тутуллубуттара. Дьокуускай аэропуордун салгын аалын көтөр-түһэр балаһатын 200 м уһатан оҥоруу үлэтэ түмүктэммитэ.
2023 сылга алта аэропуорка саҥалыы уларытан оҥоруу үлэтэ түмүктэнэрин туһунан СӨ Тырааныспар уонна суол хаһаайыстыбатын миниистирэ Владимир Сивцев иһитиннэрдэ. 2024 сылга Мииринэй аэропуордун тутуу, Удачнайга «Полярнай” аэропуорка салгын аалын көтөр-түһэр балаһатын уларытан оҥоруу үлэлэрэ түмүктэниэхтээхтэр.
Ньурба улууһун Антоновка көхтөөх олохтоохторугар, ыалдьыттарыгар сэргэх өрөбүл ааста. Олохтоох дьаһалта, БОН, кулууп үлэһиттэрэ саха…
Өрөспүүбүлүкэҕэ байыаннай дьайыы демобилизацияламмыт кыттыылаахтарын олорор сирдэринэн мэдиссиинэ тэрилтэлэригэр диспансеризациялааһын уонна мэдиссиинискэй көрүү ыытыллар. Бу…
Үтүө санаалаах Хаҥалас улууһун Күөрдэм сэлиэнньэтин олохтооҕо Сергей Далбараев соҕотох хаалбыт кубаны өлөр өлүүттэн быыһаата.…
Арассыыйа СК Саха Өрөспүүбүлүкэтигэр СУ Ленскэй оройуонун силиэстийэлиир отдела Ленскэй оройуон икки олохтооҕун РФ ХК…
«Полярные авиалинии» АХ Өлүөнэ өрүс туруутун саҕана бөртөлүөтүнэн рейстэри оҥорорго бэлэмин туһунан иһитиннэрдэ. Өрүс туруутун…
Ол курдук, Арассыыйаҕа кэргэнниилэр тус-туһунан биирдии Дьиэ кэргэн ипэтиэкэтин ылалларын тохтотуохтара. Эрэ уонна ойоҕо биир…