Айсен Николаев Нерюнгритааҕы ГЭС 2-с уочаратын тутуутун бэрэбиэркэлээтэ

Айсен Николаев Нерюнгритааҕы ГЭС 2-с уочаратын тутуутун бэрэбиэркэлээтэ

10.11.2022, 15:41
Бөлөххө киир:

Бүгүн Ил Дархан Айсен Николаев оробуочай сырыытын чэрчитинэн Нерюнгритааҕы ГЭС 2-с уочаратын тутуутун көрдө-иһиттэ. Тутуу хаамыытын туһунан «УК ГидроОГК» АУо «Нерюнгринскай» филиалын директора Андрей Носов уонна Нерюнгритааҕы ГРЭС директора Борис Краснопеев кэпсээтилэр.

Санатар буоллахха, Нерюнгритааҕы ГРЭС-и өссө кэҥэтэн 225 Мвт кыамталаах икки энергоблогу тутар туһунан быһаарыныы  икки сыллааҕыта  ылыллыбыта. Бу энергоблоктар үлэлээн бардахтарына бөдөҥ бырамыысыланнай тэрилтэлэргэ өссө улахан кыаҕы биэриэ, ону таһынан «РЖД» ААУо Илиҥҥи полигонун сайыннарыыга улахан кыамталаах подстанциялары уонна оройуону күүстээх уотунан хааччыйыа.
Билиҥҥи туругунан, инженернэй чинчийиилэр бүтэннэр, тутуу барар сирин-уотун уонна бырайыактыыр докумуоннарын кэмпилиэктэрэ оҥоһуллан Главгосэкспертизаҕа бэрэбиэркэҕэ ыытыллыбыттар. Ону таһынан сүрүн оборудованиены – турбоагрегаттары уонна котлоагрегаттары ылыыга куонкурус барыахтаах.
Эбийиэк тутуллуутун хаамыытын билсэн баран Айсен Николаев бырамыысыланнас уонна геология миниистиригэр бу тутуллар саҥа эбийиэги каадырынан хааччыйарга анаан анал мунньаҕы тэрийэн ыытары сорудахтаата. Ол курдук, бу эбийиэк үлэҕэ киирдэҕинэ 300-тэн тахса саҥа үлэ миэстэтэ тахсыа диэн былаанныыллар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 апреля
  • -13°C
  • Ощущается: -13°Влажность: 61% Скорость ветра: 1 м/с

Сообщить об опечатке

Текст, который будет отправлен нашим редакторам: