Өрөспүүбүлүкэ балыыһаларыгар 32 саҥа массыыналар бардылар

Бүгүн, тохсунньу 13 күнүгэр, Дьокуускайга өрөспүүбүлүкэ доруобуйа харыстабылын тэрилтэлэригэр 32 УАЗ анал массыына күлүүстэрин туттарыы буолла.

Бу тырааныспар ыарыһахатары балыыһаҕа тиксэрэргэ уонна ыраах сытар нэһилиэнньэлээх пууннарга лабораторнай чинчийиигэ аналлаах матырыйааллары, эмтиир препараттары тиксэрэргэ ананар. “Б” категорялаах бастакы суһал көмөнү оҥорор тэрилинэн хааччылыбыттар, хоту сир усулуобуйатыгар үлэлиир кыахтаахтар.

«Бу медицинскэй көмөнү оҥоруу саҥа таһымыгар эппиэттиир тырааныспар. Биһиги Бэрэсидьиэммит ыытар бэлиитикэтэ, ону өрөспүүбүлүкэ салалтата салгыы ыытыаҕа. Доруобуйа харыстабыла куруутун бастыҥ суолталаах боппуруостарга киирэр, нэһилиэнньэ уһун олохтоох уонна доруобай буоларыгар болҕомто хаһан баҕар ууруллуохтаах», – диэтэ Саха Ил Дархана Айсен Николаев.

Массыыналар ханнык улуустарга айаннаабыттарын туһунан сиһилии манна ааҕыахха сөп.