Өрөспүүбүлүкэ бэтэрээннэрэ мас тардыһыыга аан дойду чөмпүйүөннэринэн буоллулар

Москваҕа III аан дойдутааҕы бэтэрээннээр ортолоругар мас тардыһыыга чөмпүйэнээт түмүктэннэ. Күрэх түмүгүнэн алта саха спортсмена кыһыл көмүс мэтээлинэн наҕараадаланна.

Күрэхтэһиигэ 40-ча спортсменнар кытыннылар. Мас тардыһыыга аан дойду чөмпүйэнээтэ Грузияҕа ыытыллыахтаах этэ да, бэлитиичэскэй балаһыанньаттан Москваҕа көһөрүллүбүтэ. 40-тан тахса саастаах спортсменнар күрэхтэһиилэрэ Өрөспүүбүлүкэ күнүгэр, муус устар 27 күнүгэр, буолан ааста.

60 кг диэри ыйааһыҥҥа аан дойду бэтэрээннэрин ортолоругар аан дойду чөмпүйүөнүн аатын карьератыгар аан бастакытын Чурапчы улууһуттан Татьяна Дьячковская ылла. Иккис — Валентина Шестакова, үһүс — Анна Охлопкова буоллулар. 65 кг диэри дьахталлар ортолоругар Хотугу Осетияттан — Аланияттан Илона Шапка кыайда, кини уопуттаах саха спортсмена Ньургустаана Ануфриеваттан ордук буолан таҕыста. Боруонса мэтээли Москва уобалаһыттан Вера Огонек ылла. Бэйэтин төрдүс кыһыл көмүс мэтээлин Таатта улууһуттан Туйаара Орлова ылла. Биирдэ дьахталларга хотторон баран, билигин үһүс сылын субуруччу бэтэрээннэр ортолоругар тэҥнээҕин булбат. Дьахталларга ыарахан ыйааһыҥҥа бэтэрээннэр ортолоругар Хотугу Осетияттан — Аланияттан Зита Кадзова бастаата.

Ыарахан ыйааһыҥҥа эр дьоҥҥо бэтэрээннэр ортолоругар Свердловскай уобаластан Михаил Губайдуллин сенсационнайдык көмүс мэтээли ылла. Финалга кини Свердловскай уобаластан Александр Иноземцевы кыайда. Оттон Анатолий Баишев Грузияттан Давид Зумбадзе кытары боруонса призердарынан буоллулар. Атын ыйааһыннарга саха спортсменнара кыһыл көмүс мэтээли ыллылар — Дмитрий Сергучев (65 кг), Анатолий Гладков (75 кг), Алексей Анисимов (85 кг) уонна Федор Федоров (95 кг) ыллылар.

Бэтэрээннэр ортолоругар аан дойду чөмпүйэнээтин кыайыылаахтара уонна призердара:

• 60 кг: 1. Татьяна Дьячковская (Арассыыйа), 2. Валентина Шестакова (Арассыыйа), 3. Анна Охлопкова (Арассыыйа);
• 65 кг: 1. Илона Шапка (Арассыыйа), 2. Ньургустаана Ануфриева (Арассыыйа), 3. Вера Огонек (Арассыыйа);
• 75 кг: 1. Туйаара Орлова (Арассыыйа), 2. Татьяна Пономарева(Арассыыйа), 3. Марина Мерескина (Арассыыйа);
• 75+ кг: 1. Зита Кадзова (Арассыыйа), 2. Валерия Милашевская (Арассыыйа), 3. Ольга Блудова (Арассыыйа) 3. Юлия Блудова (Арассыыйа);
• 65 кг: 1. Дмитрий Сергучев(Арассыыйа), 2. Игорь Филиппов(Арассыыйа), 3. Руслан Муллахметов (Арассыыйа), 3. Ильяс Магомедов(Арассыыйа);
• 75 кг: 1. Анатолий Гладков (Арассыыйа), 2. Егор Слепцов (Арассыыйа), 3. Александр Брызгаев (Арассыыйа), 3. Гаврил Сивцев (Арассыыйа);
• 85 кг: 1. Алексей Анисимов (Арассыыйа), 2. Мерсияз Пахомов (Арассыыйа), 3. Николай Попов (Арассыыйа), 3. Олег Поздняков (Арассыыйа);
• 95 кг: 1. Федор Федоров (Арассыыйа), 2. Максим Шкулев (Арассыыйа), Петр Иванов (Арассыыйа), 3. Алексей Атласкин (Арассыыйа);
• 95+ кг: 1. Михаил Губайдуллин(Арассыыйа) 2. Александр Иноземцев (Арассыыйа), 3. Анатолий Баишев (Арассыыйа), 3. Давид Зумадзе (Грузия).