Өрөспүүбүлүкэ болуоссатыгар фонтан уотун уонна муусукатын үлэ күннэригэр киэһэтин холбуохтара

Дьокуускайга баар Өрөспүүбүлүкэ болуоссатын фонтатын үлэтин болдьоҕо бигэргэтилиннэ. Фонтан уотун уонна муусукатын үлэ күннэригэр киэһэтин холбуур буолуохтара диэн СЭТО начаалынньыга Александр Трофимов ЯСИА-ҕа иһитиннэрбит.

«Өрөспүүбүлүкэ болуоссата аны бигэргэтиллибит болдьоҕунан үлэлиэҕэ — үлэ күннэригэр 09:00 чаастан 21:00 чааска диэри, өрөбүллэргэ 10:00 чаастан 21:00 чааска диэри. Сэрэдэ аайы күн аҥаарыгар диэри үлэһиттэр ууну ыраастыыр былааннаах үлэни оҥоруохтара. Оттон муусуканы уонна уоту бэнидиэнньиктэн бээтинсэҕэ диэри 20:30-21:00 чааска диэри холбуохтара», — диэн начаалынньык этэр.