Өрөспүүбүлүкэ болуоссатыгар маассабай оһуохай буолан ааста

Ыам ыйын 25 күнүгэр Дьокуускай куоракка Өрөспүүбүлүкэ болуоссатыгар маассабай Добун оһуохай буолан ааста. Тэрээһиҥҥэ биллиилээх оһуохай этээччилэрэ, тыйаатырдар артыыстара, киин куорат олохтоохторо уонна ыалдьыттара кытыннылар.

«Бүгүн оһуохай күнүн бэлиэтиибит. Бу биһиги өбүгэлэрбититтэн тиксибит бырааһынньык. Кэлэр көлүөнэҕэ хаалларар уонна тиэрдэр эбээһинэстээхпит. Бүгүн өссө өрөспүүбүлүкэтээҕи куонкурус түмүгүн таһаарабыт. Итиэннэ финалга талааннаах эдэр толорооччулар кытыбыттара үөрүүлээх», — диэтэ Бырабыыталыстыба бэрэссэдээтэлин солбуйааччы Сергей Местников. Бу туһунан СИА суруйар.

Оһуохай этээччитэ өрөспүүбүлүкэтээҕи куонкурус бастыҥ толорооччуларынан уонна кыайыылаахтарынан буоллулар: «Дархан этээччи» уонна «Үтүөлээх этээччи» ааттар хаһаайыннара Айаал Аммосов, Денис Оконешников, Станислав Иванов уонна Виталий Никифоров (Мэҥэ Хаҥалас), Розалия Тихонова (Ньурба улууһа), Анастасия Алексеева (Чурапчы улууһа) уонна Дмитрий Иванов (Сунтаар улууһа) буоллулар.

Өрөспүүбүлүкэ болуоссатыгар өрөспүүбүлүкэтээҕи «Куйаар далай түһүлгэтэ» ыччат куонкуруһун кыайыылаахтарын наҕараадалаатылар. «Өрөспүүбүлүкэтээҕи уонна улуустааҕы куонкурустар кыайыылаахтара» категорияҕа Денис Оконешников бастакы истиэпэннээх лауреатынан буолла, оттон Айаал Аммосов — «саҕалааччылар» категорияҕа. Иккиэн харчынан бириэмийэлэри ыллылар уонна Иркутскай уобаласка «Ёрдынские игры» бэстибээлгэ кыттыахтара.

Иккис истиэпэннээх призердарынан Айта Крылова (Сунтаар улууһа) уонна Эрик Егоров (Дьокуускай куорат), үһүс — Людмила Саввинова (Ньурба улууһа) уонна Дьуруур Егоров (Сунтаар улууһа) буоллулар.