Хаартыскаҕа Андрей Сорокин түһэриитэ, СИА
Бу туһунан өрөспүүбүлүкэ баһылыга Айсен Николаев 2024-2026 сылларга бүддьүөтү торумнааһыҥҥа анаммыт сүбэ мунньахха эттэ.
Кини бүгүҥҥү уустук усулуобуйаҕа госбүддьүөтү, дохуоттаах чааһын уонна ороскуоттарын быһаарыыны сөпкө торумнааһын биһиги бүддүөппүтүн социальнай хайысхалаах оҥорорго кыаҕы биэрэр диэтэ.
Ол курдук, сүрүн тумус тутулларга учуоттанарын курдук, кини хамнас төлөбүрүн үрдэтиини быһаарыыны толорууну ааттаата. Ону тэҥэ тыа хаһаайыстыбата уонна табаары оҥорон таһаарыы буолар. Өссө биир сүрүн сорук — дьиэ-уот хомунаалынай эйгэтин субсидиялааһын. Маныаха бу ороскуоттар бүддьүөт улахан чааһын ылаллар.
Ил Дархан гаастааһын эйгэтигэр көдьүүстээх источниктары буларга болҕомтону тарта уонна гаас-мотуор оттугар түргэнник көһүү сорудаҕын туруорда. Маны сэргэ үөрэх, социальнай эбийиэктэри тутуу соруктара буолуохтаахтар. Ону тэҥэ саахалланар дьиэлэртэн көһөрүү былаана.
Өрөспүүбүлүкэ үбүн миниистирэ Валерий Жондоров судаарыстыба бүддьүөтүн дохуоттаах чааһын сүрүн параметрдарын ааттаата. Мунньах түмүгүнэн Саха сирин Ил Дархана бырабыыталыстыбаҕа, бырамыысыланнас уонна геология миҥистиэристибэтигэр ньиэп хампаанньаларын кытта ыкса үлэлэһэргэ, бөдөҥ бэдэрээччит тэрилтэлэри өрөспүүбүлүкэҕэ регистрациялаан, бүддьүөккэ нолуок киириитин улаатыннарарга соруйда.
СӨ Ил Дарханын уонна СӨ Бырабыыталыстыбатын пресс-сулууспата
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…