ЯСИА
Ил Түмэҥҥэ “2026 сылга, 2027 уонна 2028 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан” Саха Өрөспүүбүлүкэтин сокуонун барылын бастакы ааҕыы чэрчитинэн норуот дьокутааттара “Тыа хаһаайыстыбатын сайдыытын уонна тыа хаһаайыстыбатын бородууксуйатын, сырьетун уонн аһын-үөлүн ырыынагын сүрүннээһин” судаарыстыбаннай бырагырааманы үбүлээһин кээмэйин оннунан хаалларар туһунан тутаах быһаарыы ылыннылар.
Бырагыраама тэрээһиннэрин олоххо киллэриигэ бүддьүөт уопсай кээмэйэ 2026 сылга 2025 сыллааҕы дьиҥнээх туолуутун кытта тэҥ таһымҥа хаалыаҕа, диэн Ил Дархан Айсен Николаев өрөспүүбүлүкэ парламенын салалтатын уонна сис кэмитиэттэр бэрэссэдээтэллэрин кытта оробуочай көрсүһүүтүн кэмигэр иһитиннэрбитэ.
“Быйылгы, 2025 сылга, судаарыстыбаннай бырагырааманы олоххо киллэриигэ 14,5 млрд солк. кэриҥэ ыытыллыаҕа. 2026 сылга тыа хаһаайыстыбатын сайдыытын бырагырааматын барытын ис структуратын оптимизациялааһыҥҥа, түмүгү биэрэр бырайыактарга бырайыактар икки ардыларыгар үбү-харчыны үллэриигэ болҕомто туһаайыллыаҕа. Ону тэҥэ федеральнай кыттыгас үбүлээһини күүскэ тардыыга”, — диэн өрөспүүбүлүкэ үбүн миниистирин эбээһинэһин толорооччу Иван Алексеев иһитиннэрбитэ.
Сүрүн болҕомто сүөһү иитиитин салаатын сайыннарыыга, муниципальанй тэриллиилэри уонна управление тутаах уорганнарын үлэлэрин хааччыйыыны уонна аграрийдарга бэриллэр өҥө үрдүк хаачыстыбатын тутуһууга бэтэринээринэй сулууспаны киллэрэн туран, АПК үлэтигэр уопсай усулуобуйалары тэрйиигэ болҕомто ууруллуоҕа. Онон АПК эйгэтигэр өрөспүүбүлүкэ бүддьүөтүн стратегията кэлэр сылга судаарыстыба өйөбүлүн көдьүүһүн үрдэтиигэ уонна тус сыаллаах буолутуугар уурулунна. Бу Саха сирин агробырамыысыланнас комплексын салгыы тирэхтээхтик сайдыытыгар көмөлөһүөҕэ.
Судаарыстыбананй Мунньах (Ил Түмэн) 14-с уочараттаах пленарнай мунньаҕар норуот дьокутааттара “2026 сылга уонна 2027 уонна 2028 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан”сокуон барылын бастакы ааҕыыга ылыннылар.
sakha.gov.ru
Хаартыска: ЯСИА
Сиһилии: https://www.sakha.gov.ru/news/14245
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…