Өрөспүүбүлүкэ бырамыысыланнай кыаҕын сайыннарыы туһунан кэпсэтии барда

Ил Дархан Айсен Николаев уонна РФ бырамыысыланнаска уонна атыыга-эргиэҥҥэ миниистирэ Антон Алиханов оробуочай көрсүһүү кэмигэр эрэгийиэн бырамыысыланнай кыаҕын өйүүр уонна сайыннарар миэрэлэрин дьүүллэстилэр.

Болҕомто ордук стратегическай салаалары сайыннарыыга уурулунна, онно металлургическай производство, аһы-үөлү оҥорон таһаарыы, чох уонна ньиэп бородууксуйатын, эрэһиинэлээх, пластмассовай оҥоһуктары, химическай биэссэстибэлэри, бородууксуйалары  оҥорон таһаарыы киирэллэр.

Үүнүүнү көҕүлүүр, баар тэрилтэлэри саҥатытар, оҥорон таһаарыы кыамтатын бөҕөргөтөр туһугар өрөспүүбүлүкэ бырабыыталыстыбата биисинэһи кытары холбоһон, судаарыстыбаттан өйөбүллээх федеральнай дьаһаллары көхтөөхтүк ыытар.

«Үс сыл иһигэр эрэгийиэн бырамыысыланнай тэрилтэлэригэр судаарыстыба оҥорор өйөбүлэ 825,6 мөлүйүөнтэн тахса солкуобайга тэҥнэстэ. Ону таһынан, бу сыл бастакы үс кыбаарталыгар тэрилтэлэр РФ Бырамыысыланнай уонна атыы-эргиэн министиэристибэтиттэн уопсайа 470 мөлүйүөнтэн тахса субсидияны ыллылар», — диэтэ Антон Алиханов.

Ил Дархан пилота суох технологияларга үлэлэһэн, элбэх хайысхалаах оҥорон таһаарыы кииннэрин тэрийэн, эрэгийиэн индустриальнай инфраструктуратын бөҕөргөтөрүн, технологическай пааркалары уонна “Якутия” урутаан сайдар сирин сайыннарарын бэлиэтээтэ диэн иһитиннэрэр Ил Дархан, бырабыыталыстыба пресс-сулууспата.

Сиһилии: https://www.sakha.gov.ru/news/16495