Өрөспүүбүлүкэ киин улуустарыгар уонна Дьокуускайга күн-дьыл туруга мөлтүүрэ күүтүллэр

Саха сиринээҕи УГМС саайтын дааннайынан, бүгүн, бэс ыйын 25 күнүгэр, чугастааҕы 1-6 чаас иһигэр өрөспүүбүлүкэ киин улуустарынан, ол иһигэр Дьокуускайга күн-дьыл туруга мөлтүүрэ күүтүллэр: этиҥнээх ардахтар, күүстээх самыырдар, тобурах, этиҥнээх ардах кэмигэр сөкүүндэҕэ 18-23 м. диэри түргэннээх силлиэ тыал түһүөҕэ.

Онон сибээстээн, уотунан-күөһүнэн уонна сибээһинэн хааччыйар эбийиэктэр саахалланар кутталлара күүскэ улаатар, мөлтөхтүк бөҕөргөтүллүбүт уонна эргэ тутуулар, угуйук уонна иһитиннэрэр баннердар сууллар, ону таһынан дьиэ кырыыһата алдьанар кыахтаах. Онуоха эбии өрүскэ тыал күүһүрэн, долгун туруо диэн сабаҕаланар, бу кыра кээмэйдээх устар аалларга кутталы үөскэтэр.

Ыксаллаах быһыы-майгы министиэристибэтэ ыраах айантан туттунарга, бэйэ учаастагар уонна тиэргэнигэр баар мөлтөхтүк бөҕөргөтүллүбүт тутуулары чиҥэтэргэ, дьиэ түннүктэрин, ааннарын сабарга, болкуону аһаҕас хаалларбаккытыгар сүбэлиир.