Муус устар 27 күнүгэр 15.00 чааска “Сэргэлээх уоттара” култуура киинигэр Өксөкүлээх Өлөксөй туһунан үс чаастан турар видео биэриилэр биһирэмнэрэ буолуо.
Бу туһунан үлэни оҥорбут бөлөх салайааччыта Яна Угарова “Сахамедиа” пресс-киинигэр мунньахха иһитиннэрдэ. Көрсүһүүгэ бырайыак туруорааччы режиссера Аполлинария Дегтярева, оператор Дмитрий Стефанов, А.Е.Кулаковскай институтун старшай научнай үлэһитэ Светлана Дарбасова уонна суруйааччы Максим Эверстов кыттыыны ыллылар. Киинэ Өксөкүлээх “Саха интеллигенциятыгар суругар” сигэнэн үс чааска араарыллыбыт. Урукку кэми, билиҥҥи олоҕу, кэлэр кэскили ырытыыга анаммыт. Бырайыак иитинэн биллиилээх дьону кытта интервью уһуллубут. Е.И.Михайлова, А.С.Борисов, С.В.Авксентьева, Е.Н.Григорьев, Д.Л.Давыдов, С.С.Потапов уонна да атыттар бэйэлэрин санааларын, толкуйдарын үллэстибиттэр. Яна Угарова этэринэн, Өксөкүлээх Өлөксөйү улуу киһи диэн үрдүнэн эрэ эппэккэ, кини дьиҥнээх олоҕун туһунан киэҥ көрөөччүгэ кэпсиир, билиһиннэрэр улахан суолталаах үлэ.
Бырайыак 2023-2027 сс. Кулаковскайга анаммыт биэс сыллаах үлэҕэ киирсэр.
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…