Хаартыска: СИА
Өрөспүүбүлүкэ күнүн көрсө Ил Дархан Айсен Николаев үгэскэ кубулуйбут Саха сирин уонна РФ араас идэлээх үлэһиттэр, көлүөнэлэр бэрэстэбиитэллэригэр судаарыстыбаннай наҕараадалары туттарда. СӨ Үрдүкү наҕараадата — «Хотугу сулус» уордьан РФ үтүөлээх экэнэмииһэ Мэҥэ Хаҥалас оройуонун бочуоттаах гражданина Владимир Птицыҥҥа туттарылынна.
«Үгэс быһыытынан биһиги киэн туттар дьоммутун өрөспүүбүлүкэ сүрүн саалатыгар чиэстиибит. Аҕа саастаах көлүөнэ идиэйэлэрэ уонна сыаннастара бүгүн уопсай үлэбитигэр, ситиһиилэригэр уонна сирдиир суолларынан салҕанар», — диэн бэлиэтээн эттэ Айсен Николаев.
Владимир Птицын этэринэн, «Хотугу сулус» уордьан хаһаайына буолбута киниэхэ соһуччу үөрүү. Кини СӨ Үбүн министиэристибэтигэр үйэ чиэппэрэ кэриҥэ үлэлээбит.
«Наҕараадабын мин чугас дьоммор, доҕотторбор уонна биир идэлээхтэрбэр аныыбын», — диэтэ Владимир Птицын.
Ону кытта Саха сиригэр аан бастакытын Бочуоттаах уһуйааччы аатын иҥэрдилэр. Наҕараадаламмыттар ортолоругар стоматологическай киин стамотолог-терапевт бырааһа Валентина Борисова баар.
Улуу Кыайыы 80 сылын көрсө үбүлүөйдээх мэтээллэр Аҕа дойду Улуу сэриитин үс кыттыылааҕар — Мартын Григорьевка, Наум Слепцов уонна Кирилл Павловка туттарылыннылар.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.