Өрөспүүбүлүкэ күнүн Оһуокайа — Өрөспүүбүлүкэ болуоссатыгар

Бүгүн, муус устар 27 күнүгэр, Дьокуускайга Өрөспүүбүлүкэ болуоссатыгар Сомоҕолоһуу Оһуокайа үрдүк таһымнаахтык ааста. Норуот халҕаһалаан кэлбит.

Бастаан СӨ үтүөлээх этээччитэ, ырыаһыт Лэгэнтэй, кини кэнниттэн эдэр этээччилэрбит Эрик Егоров, Сибэкки Заровняева о.д.а. таһаарбыттарын кэнниттэн норуот көрдөһүүтүнэн СӨ Оһуокайын түмсүүтүн этээччилэрэ П.Григорьев, М.Николаева, Н.Трофимов, К.Евсеева, А.Герасимова о.д.а эттилэр.

Оһуокай түһүлгэтигэр СӨ Бырабыыталыстыбатын бэрэссэдээтэлэ Кирилл Бычков, Арассыыйа Дьоруойдара Николай Евдокимов, Игорь Юргин үҥкүүлэһэн норуот кутун туттулар.

Саҥа тутуллубут Өрөспүүбүлүкэ  болуоссатын СӨ Оһуокай уопсастыбатын этээччилэрэ олус сөбүлээтилэр, бэйэлэрин алгыстарын эттилэр, Ил Дархаҥҥа махталларын биллэрдилэр.

Марта Николаева.