Хаартыска: Вера Канаева.
Өрөспүүбүлүкэ күнүн чэрчитинэн Саха Өрөспүүбүлүкэтин Бырабыытылыстыбатын бэрэссэдээтэлин бастакы солбуйааччы Сергей Местников Таатта улууһугар суолталаах тэрээһиннэргэ кытынна.
Өрөспүүбүлүкэ салалтата, улуус уопсастыбаннаһа кыттыылаах миитин Былатыан Ойуунускай киинэ түспүт Муҥха Дэлбэрийбит алааһыгар буолла. Тэрээһиҥҥэ улуус баһылыга Айаал Бурцев, Саха Өрөспүүбүлүкэтин Бырабыытылыстыбатын бэрэссэдээтэлин солбуйааччы Сергей Местников, Саха Өрөспүүбүлүкэтин судаарыстыбаннай мунньаҕын дьокутаата Прокопий Рахлеев уо.д.а тыл эттилэр, эҕэрдэлээтилэр. Мустубут дьон улуу Былатыан төрөөбүт балаҕаныгар, үөрэммит оскуолатыгар сырыттылар. Салгыы Саппыйа алааска тэриллибит “Манна дьол, манна күн” быыстапканы Ойуунускай аатынан Судаарыстыбаннай мусуой дириэктэрэ Михаил Аржаков сырдатта.
Үөрүүлээх күн тэрээһиннэрэ тэҥинэн улуус киинигэр уонна Дьохсоҕон нэһилиэгэр буоллулар. Дьохсоҕон нэһилиэгэр Таатта үрэҕи туоруур, нэһилиэги ситимниир муоста үөрүүлээх аһылыытыгар тырааныспар уонна суол хаһаайыстыбатын миниистирин солбуйааччы Анатолий Потапов кыттыыны ылла. Улуус баһылыгын солб. Руслан Захаров өрөспүүбүлүкэ салайаччыларын кытта “Манчаары оонньууларын” чэрчитинэн тутулла турар ипподрому, МФОКЦ-у көрдүлэр, тирээн турар боппуруостары дьүүллэстилэр. Күн иккис аҥаарыгар улуус дьаһалтатыгар «Манчаары оонньууларын» тэрийэр хамыыһыйа мунньаҕар тутуу, култуурунай тэрээһин, уунан хааччыллыы, волонтерскай үлэ, научнай ааҕыылар, дьону аһатыыны уо.д.а. суолталаах боппуруостары дьүүллэстилэр.
Өрөспүүбүлүкэ күнүн таатталар ити курдук суолталаах тэрээһиннэринэн бэлиэтээбиттэрин улуус пресс-сулууспата дьаһалта телеграм-ханаалыгар сырдатта.
Быйыл Өймөкөөн улууһун нэһилиэктэригэр хайа да сыллааҕар түмүктээх, сонун сүүрээннэри саҕар олохтоох былаас отчуота буолан…
Лена куорат биир тутаах тэрилтэтигэр буҕаалтырынан үлэлээбитэ отучча сыл буолан эрэр. Бүгүн киэһэ үлэтиттэн тахсар…
Бу туһалаах судургу сүбэлэр кимиэхэ баҕарар наада буолуохтара. Оҕо сарсыарда уһуктан биэрбэтэҕинэ, сөбүлүүр ойуулугун эбэтэр…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова «Кыыс кыһалҕата» кэпсээнин…
Таатта улууһун И.В. Николаев аатынан Харбалаахтааҕы норуот айымньытын дьиэтигэр Ийэ-тыл уонна сурук-бичик күнүнэн «Омук күүһэ…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…