Саха Өрөспүүбүлүкэтин күнүн түмүктүүр тэрээһин Опера уонна балет тыйаатырыгар ыытылынна. Арассыыйа уонна Саха сирин өрөгөй ырыатынан саҕаланна.
Үөрүүлээх тэрээһиҥҥэ Уһук Илин федеральнай уокурукка Арассыыйа Бэрэсидьиэнин боломуочуйалаах бэрэстэбиитэлэ – РФ Бырабыыталыстыбатын бэрэссэдээтэлин солбуйааччы Юрий Трутнев эҕэрдэтэ этилиннэ. Кини Саха сирэ — саамай киэҥ иэннээх сирдээх уонна элбэх омук олорор Арассыыйа биир эрэгийиэнэ буолар диэтэ.
«Манна төрүт үгэстэрин, култуураларын илдьэ сылдьар 120 омук олорор. Элбэх сиртэн хостонор баайдаах. Ол эрээри сүрүн баайа — кини дьоно-сэргэтэ буолар. Саха сирэ биһиэхэ элбэх биллиилээх учуонайдары, ССРС саҕаттан тэҥнээхтэрин суох снайпердары бэлэхтээбитэ. Бүгүн Саха сирин талааннаах, үлэһит дьоно-сэргэтэ инники күөҥҥэ сылдьар. Байыаннай дьайыыга хорсуннук чиэстээхтик киирсэ сылдьар байыастарынан киэн туттар», — диэтэ Юрий Трутнев.
Саха Өрөспүүбүлүкэтин Баһылыга Айсен Николаев тыл этэригэр муус устар 27 күнэ – биһиги хотугу сирбит элбэх омуктаах норуотун түмэр бэлиэ күнүнэн буолар диэтэ.
«Бу – өрөспүүбүлүкэни төрүттээбит уонна кинилэр дьыалаларын салҕаабыт, Улуу Арассыыйа састаабыгар төрөөбүт өрөспүүбүлүкэбит cаргылаах сарсыҥҥыта салалларыгар олохторун анаабыт дьоммутугар ытыктабылы кэрэһилиир күн. Саха Автономиятын төрүттээччилэр – Максим Кирович Аммосов, Платон Алексеевич Ойуунускай, Исидор Никифорович Барахов уонна кинилэр дьыалаларын салҕааччылар Сахабыт сирэ чэлгийэ сайдар суолун тэлбиттэрэ. Өрөспүүбүлүкэ Бастакы Бэрисидьиэнэ Михаил Ефимович Николаев уонна кини соратниктара Саха сирин аныгы устуоруйатын түстээбиттэрэ.
Бүгүн үйэлээх үгэстэри утумнаан, Саха сирин олохтоохторо сыралаах үлэлэринэн утумнууларын, кэриэстииллэрин көрдөрөллөр, саҥа Саха сирин туталлар», — диэтэ Айсен Николаев.
Кини Саха сирэ сайдар кэскилин, экэниэмикэҕэ үтүө көрдөрүүтүн, социальнай эбийиэктэри тутуу туһунан эттэ. Бар дьонун бу үөрүүлээх бэлиэ күнүнэн эҕэрдэлиирин эттэ.
Салгыы муниципальнай тэрилиилэр түмсүүлэрин салайааччы, Чурапчы улууһун баһылыга Степан Саргыдаев улуу дьон автономияны туруорсан, судаарыстыбаны тэрийэн Саха сирэ сайдар оҥкулун уурбуттарын туһунан эттэ. Улуустааҕы муниципальнай тэриллиилэр сайдар кэскиллэрин, ытык дьон ааттара үйэтитиллэрин кэпсээтэ.
Оттон Арассыыйа Дьоруойа Игорь Юргин үтүө, амарах дууһалаах Саха сирин дьонун-сэргэтин ытыктыырын, махтанарын эттэ. Саха сирин олохтоохторо билиҥҥи уустук кэмҥэ түмсүүлээхтэрин, сомоҕолоһор ураты дьоҕурдаахтарын бэлиэтээтэ.
Үөрүүлээх бэлиэ күн Дьокуускай куорат култууратын тэрилтэлэрин кэнсиэринэн түмүктээтэ.
Горнай улууһун Бэрдьигэстээх сэлиэнньэтигэр ыам ыйын 20 күнүгэр биэс ынах биир тэҥинэн өлбүттэрин төрүөтүн быһаараллар.…
Арассыыйа ЫБММ сүрүн управлениетын Саха сиринээҕи ыксаллаах быһыы-майгы управлениетын киинэ иһитиннэрэринэн, бэнидиэнньик киэһэ, ыам ыйын…
Ыам ыйын 19 күнүгэр Дьокуускай куоракка, киэһэ 19 чаас саҕана, сокуоннай сааһын ситэ илик оҕону…
Анал байыаннай дьайыы саҕаланыаҕыттан Саха сирин быраастара саҥа территорияларынан олохтоох дьоҥҥо мэдиссиинэ көмөтүн оҥороллор. Бу…
Ыам ыйын 20 күнүттэн саҕалаан биир нэдиэлэ устата хатыҥ уутун ылар кэм кэллэ. Анаан дьарыктанааччыларга…
РФ Бэрэсидьиэнигэр СӨ бастайааннай бэрэстэбиитэлэ, Саха сиринээҕи кэлим координационнай киин салайааччыта Андрей Федотов брифинг кэмигэр…