Өрөспүүбүлүкэ ОДьКХ эбийиэктэрин тутууга уонна өрөмүөҥҥэ 759 мөл. солк.  ылыаҕа

Саха сирэ ОДьКХ  эбийиэктэрин тутууга уонна саҥардан оҥорууга 759 мөл. тахса солк. ылыаҕа. Бу туһунан Ил Дархан Айсен Николаев бэйэтин ТГ-ханаалыгар иһитиннэрдэ.

«ФР Бырабыыталыстыбата 16 эрэгийиэҥҥэ, ол иһигэр биһиги өрөспүүбүлүкэбитин киллэрэн туран, хомунаалынай инфраструктураны саҥардыыга 5 млрд кэриҥэ солкуобайы анаата. Онтон Саха сирэ 2026 сыллаахха 417,1 мөл. солк. оттон 2027 сыллаахха 342,4 мөл.солк. ылыаҕа. Бу үп-харчы хочуолунайдары, сылытар ситимнэри тутууга, өрөмүөҥҥэ уонна мастер-былааннары олоххо киллэриигэ туһуланыаҕа. Бу биһиги куораттарбытыгар уонна сэлиэнньэлэрбитигэр олох табыгастаах буолуутун уонна хаачыстыбатын үрдэтиэҕэ», — диэн Ил Дархан иһитиннэрдэ.

Субсидиялар дойду Бэрэсидьиэнэ Владимир Путин көҕүлээбит «Олоххо аналлаах инфраструктура» саҥа национальнай бырайыагар киирэр «Хомунааынай инфраструктураны саҥардыы» федеральнай бырайыагын чэрчитинэн ыытыллыахтара.