Өрөспүүбүлүкэ саахыматчыттара нуормаларын туттардылар

Бүгүн, кулун тутар 28 күнүгэр, Дьокуускайга «Кыайыы 50 сыла» успуорт Дыбарыаһыгар Арассыыйаҕа бастыыр иһин Уһук Илин уокурук чөмпүйэнээтин кыайыылаахтарын чиэстээһин пресс-кэмпириэнсийэтэ буолла.

Пресс-кэмпириэнсийэ спикердэринэн СӨ Успуорт министиэристибэтин миниистирин солбуйааччы Аида Антонова, СӨ саахымат Федерациятын Бэрэсидьиэнэ Владимир Егоров, СӨ саахымакка сүүмэрдиир хамаандатын сүрүн тириэнньэрэ Роман Ганжуров буоллулар.

Быйыл эдэр саахыматчыттар Арассыыйаҕа бастыыр иһин күрэхтэһиигэ хаһааҥҥытааҕар да үрдүк ситиһиилэринэн, өрөспүүбүлүкэ устуоруйатыгар Валерия Слепцова Үрдүк лигаҕа кыһыл көмүс мэтээлгэ тигистэ. Оттон Арина Васильева боруонса мэтээли ылла.  Полина Пак эмиэ үһүс миэстэ буолла. Ол курдук, өрөспүүбүлүкэ хамаандата Уһук Илин чөмпүйэнээтигэр түөрт мэтээлгэ тигистэ.

Пресс-кэмпириэнсийэ кэмигэр сүүмэрдиир хамаандаҕа «Селигдар» хампаанньа аатыттан саахыматчыттарга нуормаларын туттардылар.