Дьокуускайга Н.Д.Неустроев аатынан SMART-бибилэтиэкэҕэ «А.К. Андреев тула сэһэргэһии» диэн олус интэриэһинэй уонна кэтэһиилээх төгүрүк остуол буолла.
Манна Таатта улууһун историятын сэҥээрэр, сэргиир дьон, учууталлар, чинчийэр үлэнэн дьарыктанааччылар,бибилэтиэкэ үлэһиттэрэ, кэнчээри ыччат сырыттылар. Төгүрүк остуол сахалартан бастакынан инженер-теплоэнергетик идэтин баһылаабыт, ЯЦИК бэрэссэдээтэлинэн, хомунаалынай хаһаайыстыба наркомунан, Дьокуускайдааҕы электростанция дириэктэринэн үлэлээбит Ананий Кононович Андреев 2026 с. төрөөбүтэ 125 бэлиэ сылынан, өрөспүүбүлүкэ таһымнаах улахан тэрээһиннэргэ бэлэмнэнии быһыытынан ыытылынна. Төгүрүк остуолу Таатта Дьохсоҕонуттан А.К. Андреев аатынан ОДьКХ өрөспүүбүлүкэтээҕи түмэлин салайар Галина Арылахова тэрийдэ.
Саалаҕа толору мустубут дьон-сэргэ болҕомтотугар бу күн түмэл, архыып матырыйааллара, сэдэх кинигэлэр, хаһыаттарга араас сылларга тахсыбыт ыстатыйалар, уо.д.а. интэриэһинэй, ааҕааччыны тардар матырыйааллар уурулуннулар. Истиҥ, сэргэх көрсүһүүгэ Ананий Кононович хаан-уруу аймахтара, сүдү киһи үрдүк аатыгар сүгүрүйэр биир дойдулаахтара, кини олоҕун, үлэтин-хамнаһын туһунан сэҥээрээччилэр, уо.д.а. түмсэн санааларын үллэһиннилэр.
Дьокуускайдааҕы коммунальнгай-тутуу тиэхиньикумун устудьуоннара, мэдиссиинэ кэллиэһиттэн, юридическай кэллиэстэн, ОДьКХ министиэристибэтиттэн, ОДьКХ ГУП, Дьокуускай куорат уокуругуттан, архыыптан, уо.д.а. бэрэстэбиитэллэр кэпсэтиигэ кытыннылар. Бэрт сэргэх көрсүһүү түмүгэр билиһиннэриигэ, көрүүгэ-истиигэ ууруллубут матырыйаалларынан уонна истибит информацияларынан А.К.Андреев туһунан мустубут дьон-сэргэ тугу билбиттэрин-көрбүттэрин, истибиттэрин сурукка тистилэр, интэриэһинэй, туһалаах уонна наадалаах көрсүһүүнү тэрийбит Г.Е.Арылаховаҕа, уо.д.а. махтаннылар.
Ананий Кононович Андреев 1901 сыллаахха балаҕан ыйын 23 күнүгэр Таатта улууһугар Дьохсоҕон нэһилиэгэр төрөөбүтэ. Саха АССР сайдыытыгар сүҥкэн кылааттаах сэбиэскэй-партийнай, судаарыстыбаннай диэйэтэл. Ананий Кононович Саха АССР Киин Ситэриилээх Кэмитиэтин (ЯЦИК) бэрэссэдээтэлинэнэн үлэлээбит, сахалартан бастакы хомунаалынай хаһаайыстыба наркома, Дьокуускайдааҕы киин электрическэй ыстаансыйа дириэктэрэ, сахалартан бастакы үрдүк үөрэхтээх инженер- теплоэнергетик.
Быйыл Өймөкөөн улууһугар айылҕа иэдээнигэр түбэспит дьоҥҥо тута болҕомто ууруллан, олохтоохтор бэйэлэрин көмүскэллээх курдук санаммыттара.…
1980 сыллаахха Красноярскай кыраайга Саха литературатын уонна искусствотын күннэрэ ыытыллыбыттара. Онно Саха сирин артыыстара, суруйааччылара,…
“Олохтоох дьаһалта суһаллык тэриннэ” Биэрэк Үрдэ бөһүөлэк олохтооҕо Федор Шпнев Өймөкөөн улууһун хаһыатыгар кэпсээбитинэн, дэриэбинэҕэ…
Билигин Өймөкөөн улууһугар Арассыыйа ЫБМ СӨ Киин управлениетын быыһааччыларын суһал бөлөҕө уонна СӨ Быыһыыр сулууспатын…
От ыйын 19 күнүгэр 112 нүөмэргэ 11.37 мүнүүтэҕэ иһитиннэрии киирбит. Ол курдук, Хаандыга бөһүөлэгиттэн 238…
Тыа сиригэр билигин оттооһун саҕаланна. Урукку буолбатах, илии хотуурунан охсооччу аҕыйаан иһэр, дьон үксэ тиэхиньикэнэн…