Елена Потоцкая хаартыскаларга түһэриитэ.
Бүгүн, олунньу 6 күнүттэн, Горнай улууһугар СӨ Бырабыыталыстыбатын отчуота саҕаланна.
СӨ Уһук Илин уокуругун бастайааннай бэрэстэбиитэлистибэтин салайааччыта — Бырабыыталыстыба бэрэссэдээтэлин солбуйааччы Ким Борисов салалтатынан үлэлиир үс бөлөх Горнай улууһун нэһилиэктэригэр сылдьан олохтоохтору кытта көрсөллөр, өрөспүүбүлүкэ салалтатын 2022 сыллааҕы үлэтин отчуоттууллар.
Горнай улууһугар үлэлиир бөлөхтөрү духуобунас миниистирин бастакы солбуйааччы Афанасий Ноев, СӨ тутууга миниистирин бастакы солбуйааччы Галина Новикова салайаллар. Отчуокка министиэристибэлэр уонна биэдэмистибэлэр эппиэттээх салайааччылара кыттыыны ылаллар.
Бу чааска Бырабыыталыстыба отчуотун иккис бөлөх Бэс Күөлүн нэһилиэгэр ыытар. Күн иккис аҥаарыгар Күөрэлээх нэһилиэгэр үлэлиэхтэрэ. Бөлөх састаабыгар СӨ Үп миниистирин солбуйааччы Надежда Филипппова, тыа хаһаайыстыбатын министиэристибэтин судаарыстыбаннай бырагырааммалары былаанныыр, үөрэтэр департаменын салайааччыта Анастасия Колодезникова, «Горнай улууһа» МТ баһылыгын бастакы солбуйааччы Александр Стручков, улуустааҕы үөрэх управлениетын салайар Варвара Сметанина бааллар.
Горнай улууһугар нэһилиэктэринэн ыытыллар отчуоттарга Саха эстрадатын сулустара Ника, Аскалон Павлов, Эрхаан, филармония эдэр ырыаһыттара сылдьаллар.
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи…
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…