Хаартыска: Андрей Сорокин /СИА.
Өймөкөөн улууһун бүддьүөтүн оҥорууга сир баайын хостуур бырамыысыланнас улахан оруоллаах.
Бу туһунан бэҕэһээ, ыам ыйын 16 күнүгэр, Ил Дархан Айсен Николаев Өймөкөөн улууһун киинигэр Уус-Ньараҕа бырамыысыланнас тэрилтэлэрин салайааччыларын кытта көрсүһүүгэ бэлиэтээн эттэ.
Өрөспүүбүлүкэ Ил Дархана Айсен Николаев Өймөкөөҥҥө сырыытын туһунан улуус баһылыга Александр Оконешников санаатын маннык үллэһиннэ:
— Ил Дархан Уус-Ньараҕа хаарбах туруктаах дьиэ бырагырааматынан тутулла турар дьиэ тутуутун хаамыытын көрдө-иһиттэ, Уус-Ньара аэропордун өрөмүөнүн көрдө уонна сир аннынааҕы баайы хостуур бырамыысыланнас тэрилтэлэрин кытта көрсүһүүнү тэрийдэ. Нолуок киириитигэр улууска үлэлиир тэрилтэлэр бары улууска регистрацияланыахтаахтарын уонна улуус социальнай сайдыы пуондатын кытта сөбүлэҥ түһэрсэллэрин бэлиэтээтэ. Улуус өттүттэн Үчүгэй оскуолата силигин ситэн үлэҕэ киирэрин, Уус-Ньараҕа Ленин уулуссата аспаалланарын уонна канализационнай ыраастыыр тэрили тутууга күүс—көмө, өйөбүл наадатын туруорустум.
Өймөкөөн улууһун социальнай-экэмиичэскэй сайдыытын туһунан стратегия (СЭР) 2018 сыллаахха ылыллыбыта. Олох хаамыыта тэтимирэр, уларыйар. Онон бу докумуону бэс ыйын саҥатыгар саҥардан биэриэхпит. Онно Өймөкөөн улууһугар үлэлиир сир баайын хостуур бырамыысыланнас тэрилтэлэрин кытта улуус социальнай-экэнэмиичэскэй сайдыытыгар туһуламмыт сөбүлэҥнэри түһэрсиибитин киллэриэхпит. Быйылгы сылга диэри улуус салалтата 5 көмүс хостуур тэрилтэни кытта сөбүлэҥ түһэрсиилээх этэ. Бүгүҥҥү күҥҥэ өрөспүүбүлүкэ бырабыыталыстыбатын өйөбүлүнэн уонна соторутааҕыта СӨ бырамыысыланнаһын министиэристибэтэ сир аннын баайын туһанааччылары кытта ыыппыт көрсүһүүтүн түмүгэр уопсайа 11 сөбүлэҥи түһэристибит. Бу бастакы күөҥҥэ турар соругу толорууга, биллэн турар, улахан өйөбүл буолуоҕа.
Ил Дархан Айсен Николаевка Өймөкөөн улууһун сайдыытыгар туһуламмыт болҕомтотун иһин улуус олохтоохторун аатыттан барҕа махталбын тиэрдэбин. Быйыл сыл саҕаланыытыттан улуус социальнай-экэнэмиичэскэй сайдыытыгар туһуламмыт үлэ Ил Дархан да, бырабыыталыстыба да өттүттэн үгүс үлэ ыытылынна. Бу, биллэн турар, улуус олохтоохторун санааларын бөҕөргөтөр, сонуну, үйэлээҕи айарга-тутарга көҕүлүүр.
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…
Ахсынньы 18 күнүттэн Дьокуускай куорат «Лена», «Синема», «Центральнай» уонна өрөспүүбүлүкэ үрдүнэн тарҕанан олорор «Сахафильм», «Экстра…
Ахсынньы 19 күнүгэр «Үргэл» арт-галереяҕа Татыйаас Филиппова «Дойду» диэн ааттаах бастакы персональнай быыстапката аһыллыа. Саҥа…
Анал байыаннай дьайыыга сылдьар буойуннары өйүүр «Илии сылааһа» волонтердар бырайыактара сылын аайы ыытыллар «Уһук Илин…