Хаартыска: Андрей Сорокин, СИА.
Бэс ыйын 22 күнүттэн өрөспүүбүлүкэтээҕи тутар хамыыһыйа, Саха сирин тас өттүгэр баар үрдүк уонна орто анал үөрэх кыһаларыгар тус сыаллаах миэстэлэргэ үөрэниэн баҕалаах абитуриеннартан докумуоннары тутан саҕалыаҕа.
Сүрүн сыалынан каадырынан хааччыйыы уонна өрөспүүбүлүкэ экэниэмикэҕэ, социальнай эйгэҕэ салааларын каадырга кыаҕын олохсутуу буолар.
Өрөспүүбүлүкэ бүддьүөтүттэн өйөбүллээх тус сыаллаах бэлэмнээһин биир соругунан, тыа сиригэр, ордук Саха сирин Арктика зонатыгар исписэлиистэри бэлэмнээһин, сыһыарыы буолар.
Тус сыаллаах миэстэлэри министиэристибэлэр уонна биэдэмэстибэлэр исписэлиистэргэ ирдэбиллэрин сабаҕалааһыннарыгар олоҕуран таҥнылар.
Ордук суолталаах хайысхаларынан буолаллар: клиническэй мэдиссиинэ, үөрэх уонна педагогическай билимнэр, информатика уонна вычислительнай тиэхиньикэ, информационнай систиэмэлэр уонна технологиялар, тырааныспар тиэхиньикэтэ уонна технологиялар, тыа хаһаайыстыбата, уо.д.а.
Үөрэххэ киирбиттэр өрөспүүбүлүкэ тас өттүнээҕи уонна Саха сирин дойду үрдүк эриэйтиннээх инники күөҥҥэ сылдьар үөрэхтэрин кыһаларыгар, билим уонна инновационнай тэрилтэлэргэр үөрэнэллэр.
Быйыл өрөспүүбүлүкэ тас өттүгэр баар үрдүк үөрэх тэрилтэлэригэр ылыы былааныгар Доруобуйа харыстабылын, Үөрэх уонна билим, Култуура уонна духуобунай сайдыы, Инновация уонна сыыппара сайдыытын итиэннэ инфокоммуникационнай технологияларга, Тырааныспар уонна суол хаһаайыстыбатын, Геология, уо.д.а министиэристибэлэр каадырдары бэлэмниир сайаапкалара киирдилэр.
Тус сыаллаах үөрэххэ туттарсааччылартан докумуоннары тэйиччиттэн (дистанционнай) көрүҥүнэн ылаллар. Докумуоннаргытын ыйыллыбыт сигэнэн ыытыаххытын сөп: copp14.ru/rpk.
Өрөспүүбүлүкэ бүддьүөтүттэн өйөбүллээх тус сыаллаах үөрэххэ ылыы былаанын бырайыагын туһунан иһитиннэриини СӨ Үөрэҕин уонна билимин министиэристибэтин саайтыгар бу сигэнэн ааҕыҥ: https://minobrnauki.sakha.gov.ru/abiturientu-2023.
Ил Дархан уонна Бырабыыталыстыба пресс-сулууспата.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…