Өрөспүүбүлүкэ түөлбэлэрэ Аммаҕа пуорумҥа муһуннулар

Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө”  диэн уопсастыбанньыктар пуорумнара ыытыллар.

Бу туһунан Горнай улууһун Бэрдьигэстээх сэлиэнньэтин баһылыгын солбуйааччы, улууска түөлбэ үлэтин хамсааһынын тэрийээччи Ксения Васильева маннык сырдатта:

— Манна араас улуустан түөлбэлэр салайааччылара, актыбыыстара мустан уопуттарын үллэстиэхтэрэ. Пуорумңа түөлбэ үлэтин, олоххо киллэрбит бырайыактары көрдөрөр быыстапка буолуоҕа. “ТОС — фандрайзинг” бырайыагы көмүскээһиҥҥэ күөн-күрэс ыытыллыаҕа. Манна бары кыттааччылар 1000 солкуобайы кыттыһан, бастың бырайыакка туттарыахтара. Бу пуоруму СӨ  ыччатын министиэристибэтэ, Амма улууһун дьаһалтата уонна өрөспүүбүлүкэ түөлбэлэрин түмсүүтэ тэрийэн ыытар.