Өрөспүүбүлүкэбит былааҕын күөрэччи тутан

Саха Өрөспүүбүлүкэтин Судаарыстыбаннай былааҕа 1992 сыл алтынньы 14 күнүгэр бигэргэтиллибитэ.

Бу күн Кэбээйи улууһун Куокуй нэһилиэгэр Саха Өрөспүүбүлүкэтин Судаарыстыбаннай былааҕын күнүн өрөгөйдөөхтүк, үөрүүлээхтик оскуолабытыгар бэлиэтээтибит. Нэһилиэк баһылыга Лев Павлов эҕэрдэлээн туран, оскуолабыт үөрэнээччилэригэр Гуляева Алгыстанаҕа, Спиридонов Дамирга «Мы граждане России» аахсыйанан үөрүүлээх быһыыга-майгыга пааспардарын туттарда. Оскуола дириэктэрэ Иннокентий Петров  кэлбит ыалдьыттары, кэнчээри ыччаттары эҕэрдэлээн тыл эттэ. Оскуола үөрэнээччилэрэ Полина Победа  «Дойдубут былааҕын күнүнэн» хоһоонун  аахтылар. Саха сирин «Үрүҥ көмүс дууһабытынан эдэрбит» добровольческай түмсүү кыттылаахтара,»Луҥха долгуннара» волонтердар түмсүүлэрэ биир дойдулаахпыт, композитор, мелодист, СӨ култууратын үтүөлээх үлэһитэ Алексей Калининскай, Куокуй нэһилиэгин Өрөгөй ырыатын ыллаан дьиэрэттилэр. Тэрээһин уопсай хаартыскаҕа түһүүнэн түмүктэннэ.