Өрөспүүбүлүкэҕэ алта улууска ураты баһаарынай эрэсиимэ биллэрилиннэ

Өлүөхүмэ улууһугар ыксаллаах быһыы-майгы эрэсиимэ, Ленскэй, Сунтаар, Таатта, Томпо, Үөһээ Дьааҥы, Орто Халыма улуустарыгар ураты баһаарынай эрэсиимэ биллэриллибитинэн олохтоохторго уонна ыалдьыттарга тыаҕа тахсар бобулунна. 

Ойуур баһаара киһи олоҕор кутталы үөскэтэр диэн  Саха сиринээҕи быыһыыр сулууспа сэрэтэр. Саха сирин олохтоохторугар баһаартан сэрэхтээх буолуу кэмигэр тыаҕа сылдьартан туттуналларыгар сүбэлииллэр. Кутаа уотун оттор көҥүллэммэт.

Ойуур баһаара турар түбэлтэтигэр суһаллык быһылаан тахсыбыт тыаттан тахсалларыгар, быһаарынай сулууспаларга 01, суотабай төлөпүөнүнэн  101 нүөмэргэ эрийэн биллэрэргэ ыҥыраллар.