Мария Васильева хаартыската, СИА.
Бу күннэргэ Ил Түмэн көрүүтүгэр киирбит сокуон барылынан Саха Өрөспүүбүлүкэтин Административнай буруйу оҥоруу туһунан Кодексатыгар уларытыылар киириэхтэрэ.
Быһаарыы сурукка ыйылларынан, Административнай буруйу оҥоруу туһунан Кодексатыгар киирэр уларыйыылар гражданнар, сокуоннай саастарын ситэ илик оҕолор, төрүт олохтоох аҕыйах ахсааннаах норуоттар, урбаанньыттар холбоһуктарын кэһиллибит бырааптарын уонна сокуонунан көрүллүбүт интэриэстэрин көмүскүүр уонна төнүннэрэр, өрөспүүбүлүкэҕэ Боломуочунайдар үнүстүүттэригэр көмөлөһөр инниттэн ырытан оҥоһуллубут. Сокуон барыла Ил Түмэн саайтыгар таҕыста.
Ол курдук, Саха Өрөспүүбүлүкэтигэр Боломуочунайдар быһаарыыларыгар сабыдыаллыыр сыаллаах үлэлэригэр орооһууга, сокуонунан көрүллүбүт ирдэбиллэрин толорбот буолуу эбэтэр кинилэр үлэлэригэр атын көрүҥүнэн харгыстааһыны таһаарар түбэлтэлэригэр, иһитиннэриини-биллэриини (сибидиэнньэлэри, докумуоннары, матырыйааллары) тиксэрбэт эбэтэр кэмигэр киллэрбэт буолууга сололоох дьоннор – 10 тыһ. солкуобайтан 20 тыһ. солк. диэри, оттон юридическай тэрилтэлэр – 50 тыһ. солкуобайтан 100 тыһ. солк. диэри ыстарааптаныахтара.
Бэлиэтээн эттэххэ, Саха Өрөспүүбүлүкэтэ түөрт Боломуочунайдаах:
— Киһи быраабыгар Боломуочунайа;
— Оҕо быраабыгар Боломуочунайа;
— Урбаанньыттар бырааптарын көмүскээһиҥҥэ Боломуочунайа;
— Хоту дойду төрүт олохтоох аҕыйах ахсааннаах норуоттарын бырааптарыгар Боломуочунайа.
Санаттахха, Саха Өрөспүүбүлүкэтин Ил Түмэнин Бэрэссэдээтэлин дьаһалынан сэттис (уочараттаах) пленарнай мунньаҕа Дьокуускай куоракка бэс ыйын 18-19 күннэригэр олохтоох бириэмэнэн 10 чааска ыытыллыаҕа.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…