Өрөспүүбүлүкэҕэ быыбар кэнниттэн эспиэрдэр санааларын үллэстэллэр

Айсен Николаев Саха сирин Ил Дарханын солотугар иккистээн киирдэ. Николаев ЕДГ-2023 кэнниттэн биллэрдик саҥардыллыбыт өрөспүүбүлүкэтээҕи парламент састаабын иннигэр андаҕайбыта.

Политолог Павел Данилин: «Биллэн турар, Саха сирин парламена санаа атастаһар миэстэнэн буолуоҕа, ол эрээри манна «Биир ньыгыл Арассыыйа» дьоһун суолталаах оруоллааҕынан, үлэ ыллыктаах буолуо дии саныыбын».

Политолог Сергей Белоконев: «Николаев — инникини сайдыыны өтө көрөр салайааччы, Урал кэннигэр саамай күүстээхтэртэн уонна дириҥ ис тутуллаахтартан биирдэстэрэ. «Биир ньыгыл Арассыыйа» өрөспүүбүлүкэ парламеныгар үгүс куолаһы ылыыта — Ил Дархан киллэрбит эрэгийиэн сайдыытын бырагырааматын тула уопсастыба сомоҕолоһуутун туоһута».

Политолог Илдус Ярулин бэлиэтииринэн, өрөспүүбүлүкэҕэ хас да сыл үөскээбит бэлиитикэҕэ судургута суох балаһыанньа баарын үрдүнэн, Николаев эрэгийиэни саҥа таһымҥа таһаарда, Саха сирин федеральнай киин болҕомтотун киинигэр киирбит эрэгийиэҥҥэ кубулутта.

Кэтээн көрөөччүлэр бэлиэтииллэринэн, Саха сиригэр бэлиитикэҕэ утарсыылар кэнники былааҥҥа бардылар, уонна кэнники сыллартан аан бастаан бары политическай күүстэри түмэр салайыы тиһигэ үөскээтэ диэн этиэххэ сөп. Оттон бэлиитикэҕэ бигэ туруктаах буолууну уонна иннин диэки социальнай-экэнэмиичэскэй сайдыыны брлҕостоҕо ылан, эспиэрдэр буолаары турар бэрэсидьиэн быыбарыгар Саха сирэ былаастан хандьыдааты үрдүктүк өйүүллэрэ сабаҕалыыллар.