Өрөспүүбүлүкэҕэ «Эйэ! Маай! ГТО!» ыытыллыаҕа

СӨ Успуорка министиэристибэтин иһитиннэриитинэн, Арассыыйаҕа Аҕа дойдуну уонна Саха сиригэр Ийэ дойдуну көмүскээччи сылыгар ыам ыйын 23-25 күннэригэр «Эйэ! Маай! ГТО!» ыытыллар.

Тэрээһин өрөспүүбүлүкэ олохтоохторун түмэр, эти- хааны чэбидигирдиигэ уонна чөл олоҕу тутуһарга ананар.

Санаттахха, былырыын өрөспүүбүлүкэҕэ ГТО кыһыл көмүс бэлиэтин икки тыһыынчаттан тахса киһи, үрүҥ көмүһү — 330, боруонсаны — 247 киһи ылбыта. ГТО туттарыы кэмигэр барыта 29, 1 тыһ. ураты бэлиэни ылбыттара, ол иһигэр кыһыл көмүс бэлиэни — 11,7 тыһ.кэриҥэ, үрүҥ көмүһү — 10,4 тыһ.тахса, боруонсаны — 7 тыһ.тахса киһи ылбыта бэлиэтэнэр.

ГТО нуорматын туттарарга успуордунан тиһиктээхтик дьарыктанар дьон, ол иһигэр бэйэлэрэ дьарыктанааччылар, 6 саастарыттан 70-гар уонна онтон да үөһээ саастаахтар кыттыахтарын сөп. Онно кыттарга gto.ru саайтка регистрацияланаллар.