Өрөспүүбүлүкэҕэ «Нелегал» эпэрээссийэ ыытыллар

Бу күннэргэ өрөспүүбүлүкэҕэ «Нелегал» эпэрээссийэ ыытылла турар. Тэрээһин алтынньы 22 күнүгэр диэри ыытыллыаҕа. 

Полицейскайдары сэргэ ФСБ, Росгвардия уонна тырааныспар   полициятын үлэһиттэрэ кытталлар. Күн бүгүн  600 омук  гражданина бэрэбиэркэлэннэ. 42 административнай быраабы кэһии  Дьокуускайга, Алдаҥҥа, Мииринэйгэ, Нерюнгрига, Ленскэйгэ, Зырянкаҕа, Ньурбаҕа уонна  Өлүөхүмэ куоракка түбэлтэтэ бэлиэтэннэ.  99 тыһ. солк.  административнай ыстарааптан аҥаара ылылынна.

Арассыыйа  Федерациятын территориятыгар  киирии  көҥүллэммэтин туһунан  икки омук гражданиныгар Миграционнай полиция уонна ИДьМ   Алдан оройуонунааҕы салаатынан быһаарыныы ылыныллыбыт. Маны таһынан полиция хас да омук киһитигэр дойдуга сылдьар болдьохторун кыччатарга быһаарбыт.

Миграция боппуруоһугар буруйу оҥоруу баара биллэн,  процессуальнай бэрэбиэркэ ыытыллар.