Хаартыска: СИА
Саха сиригэр М.Е. Николаев аатынан 40 №-дээх саамай улахан оскуола тутуута Дьокуускай куорат ДСК түөлбэҕэ бүтэһик түһүмэҕэ ыытыллар.
Эбийиэги киллэрии 2024 сыл бүтүүтэ былааннанар. 2025 сыл балаҕан ыйыгар тэрилтэ аанын арыйыаҕа. Саҥа үһс этээстээх оскуола Иван Кульбертинов уулуссатыгар турар. Оскуола 990 миэстэҕэ суоттаммыт. Уопсай иэнэ 17 тыһыынча квадратнай миэтэрэ, онон Прометей түөлбэҕэ 39 №-дээх оскуола иэнин икки тыһыынчанан куоһарар.
Оскуолаҕа 33 кылаас көрүллэр. Анал кылаастарынан кэнэҕэски учууталлар, миэдиктэр, энергетиктэр уонна программистар үөрэниэхтэрэ. Эбии үөрэхтээһин бырагырааматынан айар кэлэктииптэр, туристар кулууптара, оскуола медиа-киинэ, интерактивнай түмэл, доброволецтар киинэ, спортивнай кулууптар уонна тыйаатыр аһыллыахтара.
Ону тэҥэ оскуолаҕа кулинария уоннаолохтоох бородууксуйаны оҥорон таһаарар мастарыскыай аһыллар. Уолаттарга үлэ кабинета уонна кыргыттарга иистэнэр мастарыскыай үлэлиэхтэрэ. 40 №-дээх оскуола үөрэнээччилэрэ иллэҥ кэмнэрин анал оонньуур хосторунан атаарыахтара.
Оскуолаҕа мөлтөх доруобуйалаах оҕолорго табыгастаах эйгэ тэриллиэҕэ. Пандус уонна лифт таһынан, хас биирдии кылаастарынан уонна актовай саалаҕа кириэһилэ кэлээскэҕэ олордор миэстэлэр баар буолуохтара.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…