Өрөспүүбүлүкэҕэ сэттэ ойуур баһаара бэлиэтэннэ

Ыксаллаах быһыы-майгы министиэристибэтин дааннайынан, өрөспүүбүлүкэҕэ барыта 116 гектар иэннээх сэттэ ойуур баһаара баара бэлиэтэммит. Бу туһунан биэдэмистибэ телеграм-ханаалыгар суруйар.

Судаарыстыбаннай надзор үлэһиттэрэ ойуур баһаардарынан бэрэбиэркэни ыыталлар.

Ол курдук, Амма улууһугар тахсыбыт үс ойуур баһаарын барыллаан төрүөттэринэн табахтан, өртөөһүнтэн уонна кутааны оттууттан барбыт диэн.

Санатан суруйдахха, өрөспүүбүлүкэ сиригэр-уотугар ыам ыйын 6 күнүттэн баһаары утары сезон саҕаламмыта.

Бу күннэргэ 57 ботурууллуур-рэйдэлиир тэрээһиннэр ыытылыннылар, 512 киһиэхэ баһаары утары миэрэлэр кэпсэннилэр. Итиэннэ быраабыланы кэһии иһин 9 боротокуол толорулунна, ол түмүгүнэн уопсайа 30 тыһ.солк. биэс ыстараап ананна.