Өрөспүүбүлүкэҕэ суукка иһигэр буруйу оҥоруу 8 түбэлтэтэ бэлиэтэннэ

Дьокуускай куоракка уоруу тахсыбытын туһунан, Алдаҥҥа, Миирнэйгэ уонна Таатта оройуоннарыгар түөкүннээһин туһунан сайабылыанньалар киирбиттэр. Миирнэй куорат биир оскуолатын учууталыттан угаайыга киллэрэн, албыннаан 2,2 мөл. солк. харчытын уорбуттар (түөкүннээһин схемата – «ФСБ» үлэһитэ төлөпүөннээбит).

Бу туһунан СӨ Борокуратуурата иһитиннэрэр.

Оттон Нерюнгри оройуонугар наркотигы сокуоннайа суохтук эргитии эйгэтигэр буруйу оҥоруу, Ньурба оройуонугар биир киһи тырааныспары итирик туруктаах ыыта сылдьан хаттаан тутулунна. Булуҥ оройуонугар 1982 с.т. эр киһи, снегоходтан охтон иһэн, саатынан оҥкумалын дэҥнээн балыыһаҕа киирдэ.

Сууккаҕа 6 техногеннай баһаар таҕыста, өлбүт уонна эмсэҕэлээбит дьон суох.

Киһи өлүүлээх суол-тырааныспар быһылаана бэлиэтэммэтэ. Дьокуускай куорат Ильменскэй уулуссатын биир дьиэтин таһыгар массыына дьахтары түҥнэри көтөн, эт-хаан эчэйиитин ылан балыыһаҕа киирдэ.

Суукка иһигэр тырааныспары ыыта сылдьар 6 итирик туруктаах суоппар тутулунна.