Өрөспүүбүлүкэҕэ сыл саҕаланыаҕыттан 596 дьиэ гаас ситимигэр холбонно

Сыл саҕаланыаҕыттан Саха сирин олохтоохторун 596 чааһынай дьиэтэ гаас ситимигэр холбонно диэн СӨ Бырамыысыланнаска уонна геологияҕа министиэристибэтэ иһитиннэрэр.

Ордук элбэх холбонуу Дьокуускайга — 342, онтон салгыы Чурапчы улууһа — 54 уонна Мэҥэ-Хаҥалас — 46.

Бүгүҥҥү туругунан Саха сирэ гаастааһын былаанын толоруутунан федеральнай рейтиҥҥэ ахсыс миэстэни ылар. Быйыл былааннаммыт 1557-тэн 1008 гаас ситимэ тардылынна. Социальнай гаастааһын бырагыраамата «Биир ньыгыл Арассыыйа» баартыйа өйөбүлүнэн 2021 сыллаахха саҕаламмыта уонна дойду Бэрэсидиьиэнэ Владимир Путин биһирэбилин ылбыта.